പുലിമുരുകനിലെ ബാലതാരത്തിന്റെ ഇപ്പോഴത്തെ രൂപം; വൈറലാക്കി ആരധകരും! സോഷ്യൽമീഡിയയുടെ വരവോടെ ചിത്രങ്ങളും വീഡിയോകളുമെല്ലാം പെട്ടെന്ന് ശ്രദ്ധിക്കപ്പെടാറുണ്ട്. ഇതെത്ര പെട്ടെന്നാണ് ഇവർ വലുതായത്, ഇതെങ്ങനെയാണ് ഈയൊരു മാറ്റമെന്ന് ചോദിച്ച് പ്രേക്ഷകർ തന്നെ അത്ഭുതപ്പെടാറുണ്ട്. ഇപ്പോഴിതാ പുലിമുരുകനിൽ മുരുകന്റെ ചക്കിയായെത്തിയ ദുർഗയുടെ പുത്തൻ ചിത്രങ്ങളും വിശേഷങ്ങളുമാണ് വൈറലായിക്കൊണ്ടിരിക്കുന്നത്. മോഹൻലാലിന്റെ മകളായിട്ടായിരുന്നു ദുർഗ വേഷമിട്ടത്. മലയാളത്തിലെ ആദ്യ നൂറുകോടി ചിത്രമായ പുലിമുരുകൻ മുതിർന്നവരും കുട്ടികളും ഒരുപോലെ ആഘോഷമാക്കിയ സിനിമയാണ്. കുട്ടിത്താരമായി സ്‌ക്രീനിൽ നിറഞ്ഞുനിന്നവരുടെ പുതിയ വിശേഷങ്ങളും ചർച്ചയായി മാറാറുണ്ട്. ജഗപതി ബാബു അവതരിപ്പിച്ച ഡാജി ഗിരിജയും ശ്രദ്ധിക്കപ്പെട്ടിരുന്നു.
ലാൽ, വിനുമോഹൻ, ബാല, നോബി മാർക്കോസ്, സുരാജ് വെഞ്ഞാറമൂട്, സിദ്ദിഖ്, കിഷോർ, ഹരീഷ് പേരടി, നന്ദു, എംആർ ഗോപകുമാർ തുടങ്ങി വൻതാരനിരയാണ് ചിത്രത്തിനായി അണിനിരന്നത്. ചിത്രത്തിലെ ഗാനങ്ങളും ശ്രദ്ധേയമായിരുന്നു. മുരുക മുരുക എന്ന ടൈറ്റിൽ സോംഗും മോഹൻലാലിന്റെ നിൽപ്പും കുട്ടികളെല്ലാം അനുകരിച്ചിരുന്നു അന്ന്. ടൊവിനോ തോമസ്, മമ്മൂട്ടി, മോഹൻലാൽ എന്നിവർക്കൊപ്പമുള്ള ചിത്രങ്ങളും ദുർഗ പങ്കുവെച്ചിരുന്നു. നിരവധി പേരായിരുന്നു ചിത്രങ്ങളും വീഡിയോകളുമൊക്കെ ലൈക്ക് ചെയ്ത് അഭിപ്രായം രേഖപ്പെടുത്തിയിട്ടുള്ളത്. നിന്നെ അല്ലേ അപ്പോൾ പുലി പിടിച്ചതെന്നായിരുന്നു ഒരാളുടെ ചോദ്യം. പുലിമുരുകൻ കണ്ടിട്ട് വന്നതാണോയെന്നായിരുന്നു വേറൊരാൾ ചോദിച്ചത്.
അയ്യോ, പുലിമുരുകനിലെ കൊച്ചാണോ ഇത്, ഇനിയിപ്പോൾ പണിക്കർ പറഞ്ഞ ടീമിന്റെ ലിസ്റ്റിലെ പുതിയ അഡ്മിഷനാവും. ഇര തേടി വരുന്ന പുലി കെണി തേടി വരില്ല, തുടങ്ങിയ കമന്റുകളാണ് പോസ്റ്റുകളുടെ താഴെയുള്ളത്. എല്ലായിടത്തും ഇപ്പോൾ ദുർഗയാണല്ലോ, എന്നാലും എന്റെ ചക്കീ ഇതെന്തൊരു മാറ്റമാണ്, കമന്റ് ഇടുന്നതൊക്കെ കൊള്ളാം, മുരുകൻ അത് അറിഞ്ഞാൽ മരത്തിൽ തറച്ച വേൽ നെഞ്ചത്ത് തറയ്ക്കും, എന്നാലും ചക്കീ നീ ആകെയങ്ങ് മാറിപ്പോയല്ലോ. തുടങ്ങിയ കമന്റുകളായിരുന്നു മറ്റൊരു വീഡിയോയിൽ കണ്ടത്. എന്നും മുരുകന്റെ ചക്കിയാണെന്നായിരുന്നു മോഹൻലാലിനൊപ്പമുള്ള ചിത്രത്തിന് താഴെ ദുർഗ കുറിച്ചത്.
2016 ലായിരുന്നു സിനിമ റിലീസ് ചെയ്തത്. ബോക്‌സോഫീസിൽ നിന്നും ഗംഭീര വിജയമായിരുന്നു ചിത്രത്തിന് ലഭിച്ചത്. കമാലിനി മുഖർജിയായിരുന്നു മുരുകന്റെ ഭാര്യയെ അവതരിപ്പിച്ചത്. പുലിമുരുകനിലേക്ക് ക്ഷണം ലഭിച്ചിരുന്നുവെങ്കിലും സാങ്കേതിക കാരണങ്ങളാൽ അത് ചെയ്യാനായില്ലെന്ന് അനുശ്രീ പറഞ്ഞിരുന്നു. കരിയറിലെ വലിയ നഷ്ടമായിരുന്നു അതെന്നും നടി തുറന്നുപറഞ്ഞിരുന്നു.
Find out more:
click and follow Indiaherald WhatsApp channel