തല അജിത്തിന്റെ 'തുനിവിലെ' വിളയാട്ടം! മലയാളികളുടെ പ്രിയ താരം മഞ്ജു വാര്യർ, സമുദ്രക്കനി, പവനി റെഡ്‌ഡി എന്നിങ്ങനെ താരനിര അണിനിരന്ന ചിത്രം പതിവ് അജിത് ചിത്രങ്ങളുടെ ചേരുവയുള്ള ചിത്രമാണ്. ത്രില്ലർ വിഭാഗത്തിൽ മാസ്സ് എന്റെർടെയ്നർ എന്ന നിലയിലാണ് ചിത്രം തയ്യാറാക്കിയിരിക്കുന്നത്. സ്ക്രീൻ പ്രെസൻസ് കൊണ്ട് അജിത് പ്രേക്ഷകരെ കയ്യിലെടുക്കുന്ന പതിവ് കാഴ്ച തുനിവിന്റെ കാര്യത്തിലും തുടരുന്നു. ലഭിച്ച അവസരം കൃത്യമായി ഉപയോഗപ്പെടുത്തിയ മഞ്ജുവിന്റെ പെർഫോമൻസും ചിത്രത്തിൽ ശ്രദ്ധേയമാണ്. ആക്ഷൻ രംഗങ്ങളിലെ പ്രകടനവും മികച്ച് നിന്നു. എച്ച് വിനോദ് തിരക്കഥയെഴുതി സംവിധാനം ചെയ്ത ചിത്രമാണ് തുനിവ്. അജിത് നായകനായെത്തുന്ന ചിത്രം പൊങ്കൽ റിലീസായി തീയേറ്ററുകളിലെത്തിക്കഴിഞ്ഞു.ഡാർക്ക് ഡെവിളും, കണ്മണിയും, അവസാനമില്ലാത്ത ബുള്ളറ്റുകളും അഴിഞ്ഞാടുന്ന ചിത്രത്തിൽ സമുദ്രക്കനിയും മികച്ച പ്രകടനം കാഴ്ച വെക്കുന്നു. ചെന്നൈയിലെ ഒരു സ്വകാര്യ ബാങ്കിൽ നടക്കുന്ന കൊള്ളയടിയാണ് ചിത്രത്തിന്റെ കഥാതന്തു.
ദുർബലമായി പുരോഗമിക്കുന്ന കഥാഖ്യാനം ക്ളൈമാക്സിലേക്കെത്തുമ്പോൾ തളർന്നു പോകുന്നുണ്ട്. അതേസമയം കഥയുടെ കാര്യത്തിലും, അത് പ്രേക്ഷകരെ വിശ്വസിപ്പിക്കുന്നതിലും സംവിധായകൻ വിനോദിന് പാളിച്ച പറ്റിയിട്ടുണ്ട്. സാധാരണ യുക്തിയിൽ ആലോചിച്ചാൽ തന്നെ നായകനൊഴികെയുള്ളവർക്ക് വലിയ പ്രാധാന്യമോ, കഴിവോ ഇല്ല എന്ന നിലയിലാണ് കഥപറച്ചിൽ. ഒരു ബാങ്ക് റോബറിയിൽ തുടങ്ങുന്ന കഥ ട്വിസ്റ്റുകളും, സർപ്രൈസുകളും നൽകിയാണ് പുരോഗമിക്കുന്നത്.വലിമൈ യെക്കാൾ മികച്ച പ്രകടനമാണ് തുനിവ്. എന്നാൽ അനാവശ്യ ബഹളങ്ങളോ, പാട്ടുകളോ കുത്തിനിറച്ച് അരോചകമാക്കിയിട്ടുമില്ല.
ഫ്ലാഷ് ബൈക്കുകളുടെ അകമ്പടി നായക കഥാപാത്രം രൂപപ്പെടുന്നതിന്റെ കാര്യകാരണങ്ങൾ പ്രേക്ഷകന് മുന്നിലെത്തിക്കുന്നു. ഒരു നെഗറ്റീവ് ഷെയ്ഡ് ഉള്ള നായക കഥാപാത്രത്തെയാണ് അജിത് അവതരിപ്പിക്കുന്നത്. കയ്യടക്കത്തോടെ തന്റെ ഭാഗം അജിത് ഭംഗിയാക്കുന്നു. ആദ്യപകുതിയിൽ ലഭിക്കുന്ന ഒരു ഗ്രിപ് രണ്ടാം പകുതിയിൽ കൊണ്ടുവരാൻ സംവിധായകന് കഴിഞ്ഞില്ല എന്നത് പോരായ്മയാണ്. സംഘട്ടന രംഗങ്ങൾ മികവ് പുലർത്തിയപ്പോൾ 'തല' ഉടനീളം അഴിഞ്ഞാടി. ഫാൻ മൊമന്റുകൾ ചിത്രത്തിലെമ്പാടും നിറഞ്ഞു നിന്നു. മൂൺവാക്ക് ഉൾപ്പടെ തീയ്യേറ്ററിനെ ഇളക്കിമറിച്ച സീനുകൾ നിരവധിയാണ്. ബാങ്കുകളുടെ കൊള്ളരുതായ്മയും, കൊള്ളയടിയും തുറന്നു കാട്ടുന്ന ചിത്രത്തിന്റെ കഥ കാലികപ്രസക്തമായ വിഷയമാണ് കൈകാര്യം ചെയ്യുന്നത്. നേരിട്ട് പറയുന്നതിനേക്കാൾ, കൊള്ളിച്ച് പറയുക എന്ന രീതിയാണ് സംവിധായകൻ സ്വീകരിച്ചിരിക്കുന്നത്.
മാധ്യമങ്ങളുടെ പക്ഷപാതപരമായ ഇടപെടലിനെയും ചിത്രം തുറന്നു കാട്ടുന്നുണ്ട്. സാധാരണക്കാരന്റെ പ്രശ്നത്തെ വെള്ളിത്തിരയിലെത്തിക്കാൻ സംവിധായകൻ നടത്തിയ ശ്രമം അഭിനന്ദനം അർഹിക്കുന്നു.ഹോളിവുഡ് ആക്ഷൻ സിനിമകളിലേതുപോലെ പാറ്റേൺ പിടിക്കാൻ തുനിവ് ശ്രമിക്കുന്നതായി തോന്നിയേക്കാം. എം ജിബ്രാൻ ഒരുക്കുന്ന സംഗീതം പ്രേക്ഷകന് തൃപ്തി നൽകുന്നതാണ്. മഞ്ജു വാര്യരുടെ പ്രകടനം എടുത്ത് പറയേണ്ടതുണ്ട്. മലയാള സിനിമ ഇപ്പോഴും അപ്രാപ്യമായി നിൽക്കുന്ന നടികളുടെ ആക്ഷൻ സിനിമകളും, സീനുകളും തമിഴ് സിനിമ മുന്നേ കടന്നു പോയതാണ്. തുണിവിലെ മഞ്ജുവിന്റെ പ്രകടനം അത്തരത്തിൽ ഒരു മലയാളി നടിക്ക് ലഭിച്ച മികച്ച അവസരം തന്നെയാണ്. ചിത്രം ആവശ്യപ്പെടുന്ന അളവിലും, ആവേശത്തിലും മഞ്ജു കൺമണിയെ കൃത്യമായി അവതരിപ്പിച്ചിട്ടുണ്ട്.
ആക്ഷൻ രംഗങ്ങളിലെ സ്ക്രീൻ പ്രെസൻസ് തൊട്ട് അത് പ്രകടമായിരുന്നു. മങ്കാത്ത പോലെ ആഘോഷമാക്കുന്ന പടമല്ല തുനിവ്, മാസ്സിലും, ആക്ഷനിലും ഒരു മിതത്വം പാലിക്കാൻ ശ്രദ്ധിക്കുന്നുണ്ട്. 'മണി മണി മണി' പോലുള്ള പഞ്ച് ഡയലോഗുകൾ ഇല്ലെങ്കിലും, ഹെവി ഫീൽ തരുന്നു തലയുടെ പെർഫോമൻസ് സീനുകൾ ചിത്രത്തിലുണ്ട്.അജിത്തിന്റെ വിളയാട്ടമാണ് ചിത്രം. ഒരുപക്ഷെ ഒരു ഫാൻ ബോയ് പടം എന്നൊക്കെ പറയാവുന്ന ഒന്ന്. പൊങ്കൽ റിലീസ് ആയി എത്തുന്നത് കൊണ്ട് തന്നെ തീയേറ്ററിൽ പോയി ആഘോഷിക്കാൻ കഴിയുന്ന തുനിവ്, ഒരു ശരാശരി സിനിമയാണ്.
Find out more:
click and follow Indiaherald WhatsApp channel