ఇక ఆ తర్వాత కాలంలో కొన్ని లేడీ ఓరియంటెడ్ సినిమాలు చేసి చేతులు కాల్చుకుంది ఈ ముద్దుగుమ్మ. కానీ ఇప్పుడు కథలు ఎంపికలో ఆచీతూచి అడుగులు వేస్తూ వరుస విజయాలు సాధిస్తుంది అని చెప్పాలి. ఈ క్రమంలోనే ఈ ఏడాది నాని సరసన నటించిన దసరా సినిమాతో సూపర్ హిట్ సాధించి మరోసారి జోరు చూపించింది. అటు తమిళం కన్నడంలో కూడా వరుస సినిమాలు చేస్తూ బిజీ బిజీగా ఉంది అని చెప్పాలి. అయితే ఇలా వరుస ప్రాజెక్టులతో బిజీగా ఉన్న కీర్తి సురేష్ ఇటీవల తన మనసులో ఉన్న మాటను బయటపెట్టింది. ఒక క్రేజీ కాంబినేషన్లో నటించాలని ఉంది అంటూ చెప్పుకొచ్చింది.
బాలీవుడ్ బాద్షా షారుఖాన్ హీరోగా సంజయ్ లీలా బాన్సాలి దర్శకత్వంలో ఒక సినిమా వస్తే అందులో నటించాలని ఉంది అంటూ ఇటీవల ఒక ఇంటర్వ్యూలో తన మనసులో మాట బయట పెట్టింది కీర్తి సురేష్. తన సినీ కెరియర్ ముగిసేలోపు ఇక వెండితెరపై ఇద్దరి కాంబినేషన్లో వచ్చే సినిమాలో తనకు నటించే ఛాన్స్ దక్కాలని కోరుకుంటున్నాను అంటూ చెప్పుకొచ్చింది. కాగా ప్రస్తుతం టాలీవుడ్ మెగాస్టార్ చిరంజీవి.. హీరోగా నటించిన భోళా శంకర సినిమాలో మెగాస్టార్ చెల్లెలి పాత్రలో నటిస్తుంది ఈ హీరోయిన్. ఈ సినిమా విడుదలకు సిద్ధమవుతుంది అని చెప్పాలి.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి