ఈ వేసవి సెలవులలో ప్రేక్షకులను అలరించేందుకు ఓటీటీ ఫ్లాట్ ఫామ్ లు సిద్ధం అయ్యాయి. ఈ క్రమంలో ఒక కొత్త సినిమా ఓటీటీలో రిలీజ్ అవ్వనుంది. మరి ఆ సినిమా ఏంటో.. ఏ ఓటీటీ ఫ్లాట్ ఫామ్ లో స్ట్రీమింగ్ అవుతుందో చూద్దాం. ఇటీవలే రిలీజ్ అయిన జాక్ సినిమా ఓటీటీలోకి రానుంది. ఈ సినిమాలో హీరోగా స్టార్ బాయ్ సిద్దు జొన్నలగడ్డ నటించారు. ఈ సినిమాకు బొమ్మరిల్లు డైరెక్టర్ భాస్కర్ దర్శకుడిగా వ్యవహరించారు. జాక్ సినిమాకు బీవీఎస్‌ఎన్‌ ప్రసాద్‌ నిర్మాతగా ఉన్నారు. ఈ సినిమాలో సిద్దుకి జోడీగా తెలుగు అమ్మాయి వైష్ణవి చైతన్య నటిస్తుంది.
ఈ సినిమా ఒక్క మంచి కామిడీ టైమింగ్ తో చక్కగా వినోదాన్ని పంచుతుందని సమాచారం వచ్చినప్పటికీ.. బాక్సాఫీస్ వద్ద మూవీ బోల్తా కొట్టింది. ముఖ్యంగా జాక్ సినిమా యువతకు చాలా నచ్చుతుందని టాక్ వినిపించినప్పటికీ ఫ్లాప్ అయింది. ఈ సినిమా బ్లాక్ బస్టర్ హిట్ కొడుతుందని దర్శకుడు భాస్కర్ ధీమా వ్యక్తం చేశారు కానీ అది నెరవేరలేదు. అయితే ఈ సినిమా త్వరలో ఓటీటీలో స్ట్రీమింగ్ అవ్వనుంది. ఈ నెల 8వ తేదీన ఈ సినిమా ఓటీటీ ఫ్లాట్ ఫామ్ అయిన నెట్ ఫ్లిక్స్ వేదికగా స్ట్రీమింగ్ కి రానుంది. ఈ మూవీ తెలుగుతో పాటుగా తమిళ, హిందీ, కన్నడ భాషలలో కూడా అందుబాటులోకి రానుంది.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి