ఈ సినిమాకు సంబంధించిన హార్డ్ డిస్క్ ను అనుమతి లేకుండా తీసుకెళ్లారంటూ ఎగ్జిక్యూటివ్ ప్రొడ్యూసర్ విజయ్ కుమార్ పోలీసులకు ఫిర్యాదు చేశారు. కన్నప్ప మూవీకి సంబంధించిన కీలకమైన కంటెంట్ ఉన్న హార్డ్ డిస్క్ ను ముంబైకు చెందిన హెచ్.ఐ.వీ.ఏ స్టూడియోస్ వాళ్లు డీటీడీసీ కొరియర్ ద్వారా ఫిల్మ్ నగర్ లో ఉన్న విజయ్ కుమార్ కార్యాలయానికి పంపారు. ఆఫీస్ బాయ్ రఘు ఈ నెల 25వ తేదీన ఆ పార్శిల్ ను తీసుకున్నారు.
అయితే హార్డ్ డిస్క్ తీసుకున్న విషయాన్ని రఘు ఎవరికీ చెప్పకుండా దానిని చరిత అనే మరో మహిళకు ఇచ్చాడని తెలుస్తోంది. అప్పటినుంచి రఘు, చరిత ఎవరికీ అందుబాటులోకి రాకుండా తిరుగుతున్నారని భోగట్టా. రఘు, చరిత ఈ విధంగా చేయడం వెనుక ఎవరో ఉన్నారని కామెంట్లు వ్యక్తమవుతున్నాయి. ఈ హార్డ్ డిస్క్ దొంగతనం వెనుక ఎవరు ఉన్నారో తెలియాల్సి ఉంది.
పోలీసులు ఇందుకు సంబంధించి కేసు నమోదు చేసి దర్యాప్తు చేస్తున్నారు. ఈ కేసులో ఎలాంటి మలుపులు చోటు చేసుకుంటాయో చూడాల్సి ఉంది. కన్నప్ప సినిమా రిలీజ్ ముంగిట ఊహించని ఇబ్బందులు ఎదురవుతుండటం గమనార్హం. హార్డ్ డిస్క్ దొంగతనం విషయంలో కుట్ర కోణం ఉందా అనే కామెంట్లు వినిపిస్తున్నాయి. రాబోయే రోజుల్లో ఈ కేసు ఎలాంటి మలుపులు తిరుగుతుందో చూడాలి.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి