ఈ క్రమంలోనే ఇతర భాషల నుంచి తెలుగు ఇండస్ట్రీలోకి అడుగుపెట్టిన నూతన తారలు ఒక్కొక్కరిగా హిట్ కొడుతూ ఇండస్ట్రీలో తమ స్థానం బలపరుస్తున్నారు. ఇటీవల మమితా బైజు, రుక్మిణి వసంత్ వంటి నటి ల పేర్లు తెలుగు ప్రేక్షకుల మధ్య వైరల్‌గా మారిన విషయం తెలిసిందే. ఇప్పుడు ఆ లిస్టులోకి కొత్తగా అడుగుపెట్టింది రితికా నాయక్. ‘మిరాయి’ సినిమాలో హీరో తేజ సజ్జతో కలిసి నటించిన రితికా నాయక్ ఒక్కసారిగా అందరి దృష్టిని ఆకర్షించింది. సినిమా విజయం మాత్రమే కాదు, ఆమె అందం, కట్టుదిట్టమైన స్క్రీన్ ప్రెజెన్స్, మాట తీరు— అన్ని ప్రేక్షకులను ఇంప్రెస్ చేశాయి. ఈ ఒక్క సినిమాతోనే ఆమె కెరీర్ గ్రాఫ్ వేగంగా పైకి ఎగబాకుతోంది. సోషల్ మీడియాలో కూడా ఆమె పేరు ఇప్పుడు ట్రెండింగ్‌లో నిలుస్తోంది. ప్రేక్షకులు, సినీ విమర్శకులు కూడా రితికా నటనను ప్రశంసిస్తున్నారు. ఒక హిట్ సినిమా తర్వాత రితికా మరో బిగ్ ప్రాజెక్ట్‌లో మంచి పాత్ర దక్కించుకుంటే, తెలుగు ఇండస్ట్రీలో ప్రస్తుతం ఉన్న శ్రీలీల స్థానాన్నే సవాలు చేసే అవకాశముందని చాలామంది అంటున్నారు.
ఇక శ్రీలీల ఫ్యాన్స్ కూడా ఈ పరిస్థితిని గమనిస్తూ, "మా ఫేవరెట్ హీరోయిన్‌పై శని తాండవం జరుగుతున్నట్టుంది. అందుకే ఇంతమంది బ్యూటీస్ ఒక్కసారిగా టాలీవుడ్‌లో ఎంట్రీ ఇస్తున్నారు. ప్రతి ఒక్కరు శ్రీలీలకు కాంపిటీషన్‌గా నిలవాలని ప్రయత్నిస్తున్నారు" అంటూ సోషల్ మీడియాలో ఘాటుగా స్పందిస్తున్నారు. మొత్తం మీద, ప్రస్తుతం తెలుగు సినీ పరిశ్రమలో హీరోయిన్ పోటీ మరింత ఆసక్తికరంగా మారింది. ఒక వైపు వరుస ఫ్లాప్‌లతో ఇబ్బందులు ఎదుర్కొంటున్న శ్రీలీల, మరో వైపు కొత్త తారలు సెన్సేషన్ సృష్టిస్తూ ఇండస్ట్రీలో దూసుకెళ్తున్నారు. ఈ కాంపిటీషన్ రేస్‌లో ఎవరు సింహాసనం దక్కించుకుంటారో చూడాలి...???
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి