రిషబ్ శెట్టి అద్భుతమైన నటన, ఆయన డైరెక్షన్, అలాగే రుక్మిణి వసంత్ గ్లామర్, స్క్రీన్ ప్రెజెన్స్ – ఈ మూడూ కలిసి సినిమాకు మేజర్ ప్లస్ అయ్యాయి. కథనంలోని లోతైన ఆధ్యాత్మికత, గ్రామీణ భావాలు, సంగీతం – అన్నీ ప్రేక్షకుల హృదయాలను తాకాయి.రిలీజ్ అయిన మొదటి షో నుంచే “కాంతార చాప్టర్ 1” బ్లాక్‌బస్టర్ టాక్ తెచ్చుకుంది. కేవలం కన్నడ ప్రేక్షకులే కాదు, తెలుగు, తమిళ, హిందీ, మలయాళ రాష్ట్రాల్లో కూడా సినిమా హడావుడిగా ట్రెండ్ అవుతోంది. రిషబ్ శెట్టి దర్శకత్వం అంతలా ప్రభావం చూపడంతో దేశవ్యాప్తంగా భారీ స్పందన వచ్చింది.
మొదటి వారంలోనే సినిమా ఏకంగా ₹509.25 కోట్లు గ్రాస్ వసూలు చేసింది. ఈ ఫిగర్‌ను అధికారికంగా మేకర్స్ ప్రకటించడంతో అభిమానుల్లో ఆనందం మరింత పెరిగింది. థియేటర్లలో హౌస్‌ఫుల్ షోలు కొనసాగుతుండగా, వీకెండ్ కలెక్షన్లు ఇంకా ఎగబాకే అవకాశం ఉందని ట్రేడ్ వర్గాలు చెబుతున్నాయి.ఇంత భారీ ఓపెనింగ్‌తో “కాంతార చాప్టర్ 1” గతంలో కన్నడ ఇండస్ట్రీలో స్టార్ హీరోలు నెలకొల్పిన రికార్డులను తుక్కుతుక్కు చేసి పడేసింది. ఇది కేవలం సినిమా కాదు – ఒక సెలబ్రేషన్, ఒక సాంస్కృతిక సంచలనం. ప్రస్తుతం రిషబ్ శెట్టి ఈ సక్సెస్‌ను పూర్తిగా ఎంజాయ్ చేస్తూ, తెలుగులో కూడా మంచి ఆఫర్లు అందుకుంటున్నాడు. ఇండస్ట్రీ వర్గాల ప్రకారం ఆయన తర్వాతి ప్రాజెక్టులపై కూడా ఇప్పటికే భారీ చర్చ జరుగుతోంది.“కాంతార చాప్టర్ 1”తో రిషబ్ శెట్టి మరోసారి తానేంటో ప్రూవ్ చేశాడు. కళాకారుడికి లాంగ్వేజ్ బౌండరీలు ఉండవు, టాలెంట్ ఉంటే దేశం మొత్తం చప్పట్లు కొడుతుంది.. అంటూ జనాలు పొగిడేస్తున్నారు..!!
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి