జగన్ ఒక సాధారణ విమానంలో (Indigo/Economy Class) ప్రయాణిస్తుండగా, ఒక అమ్మాయి ఆయన దగ్గరకు వచ్చి బొకే ఇచ్చి "హ్యాపీ బర్త్డే జగన్ అన్నా" అని విష్ చేసింది. దీనికి జగన్ కూడా చిరునవ్వుతో స్పందించారు. ఈ వీడియోను వైసీపీ సోషల్ మీడియా విభాగాలు, ఆ పార్టీ కీలక నేతలు "జగనన్న క్రేజ్ అంటే ఇది .. అధికారం ఉన్నా లేకపోయినా ఆయన అంటే జనానికి ప్రాణం" అంటూ భారీగా ప్రమోట్ చేశారు. "ఏ విమానమెక్కినా జగనన్నే సెంటర్ ఆఫ్ అట్రాక్షన్" అని వైసీపీ నేతలు బిల్డప్ ఇవ్వడం ఇప్పుడు ఆ పార్టీకి కొత్త తలనొప్పి తెచ్చిపెట్టింది.
వైసీపీ నేతలు ఇచ్చిన హైప్ను చూసి నెటిజన్లు ఊరుకుంటారా? వెంటనే తమదైన స్టైల్లో కౌంటర్లు మొదలుపెట్టారు. ముఖ్యంగా సోషల్ మిడియా మధ్యమాల్లో వచ్చిన కథనాల ప్రకారం నెటిజన్లు ఈ వీడియోను ఇలా విశ్లేషిస్తున్నారు: "ఇది పీఆర్ స్టంటా?": విమానంలో బొకే ఎక్కడి నుంచి వచ్చింది? సెక్యూరిటీ నిబంధనల ప్రకారం బొకేలు లోపలికి ఎలా అనుమతించారు? ఇదంతా ముందే ప్లాన్ చేసిన PR స్టంట్ లా ఉందని నెటిజన్లు సెటైర్లు వేస్తున్నారు. "క్లాస్ వార్ ఏమైంది?": నిన్నటి వరకు 'పేదలు వర్సెస్ ధనికులు' అంటూ క్లాస్ వార్ గురించి మాట్లాడిన జగన్, ఇప్పుడు ఇలా విమానాల్లో సామాన్యుడిలా కనిపిస్తూ సింపతీ పొందాలని చూస్తున్నారా? అని ప్రశ్నిస్తున్నారు.
వైసీపీ నేతలపై వెటకారం: ఒక చిన్న పాప వచ్చి విష్ చేస్తే దాన్ని కూడా రాజకీయంగా వాడుకోవాలా? మీ నాయకుడికి అంత క్రేజ్ ఉంటే ఎన్నికల్లో ఆ ఓట్లు ఏమయ్యాయి? అంటూ వైసీపీ నేతలను నెటిజన్లు ఓ రేంజ్లో ట్రోల్ చేస్తున్నారు. ఒకవైపు వైసీపీ కార్యకర్తలు జగన్ సింప్లిసిటీని ఆకాశానికెత్తుతుంటే, మరోవైపు నెటిజన్లు మాత్రం "ఇవన్నీ పాత చింతకాయ పచ్చడి ట్రిక్స్" అని కొట్టిపారేస్తున్నారు. అధికారం కోల్పోయిన తర్వాత మళ్లీ జనాల్లోకి వెళ్లేందుకు జగన్ విమానాల్లో ప్రయాణిస్తూ, ఇలాంటి వీడియోలను వైరల్ చేయిస్తున్నారనే విమర్శలు వినిపిస్తున్నాయి. ఏది ఏమైనా, జగన్ బర్త్డే వేళ ఈ ఫ్లైట్ వీడియో మాత్రం సోషల్ మీడియాలో రచ్చ రచ్చ చేస్తోంది!
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి