సాధారణంగా థియేటర్లలో బ్లాక్ బస్టర్ విజయాన్ని అందుకున్న సినిమాలు ఓటీటీ (OTT) లోకి వచ్చినప్పుడు అంతకు మించిన రెస్పాన్స్‌ను సొంతం చేసుకోవడం సహజం. అయితే, ఈ మధ్యకాలంలో కొన్ని చిత్రాల విషయంలో ఈ ట్రెండ్ కాస్త భిన్నంగా కనిపిస్తోంది. థియేటర్‌లో ఒక రకమైన అనుభూతిని పంచిన సినిమాలు, ఓటీటీలో మాత్రం మరో రకమైన స్పందనను పొందుతున్నాయి.
ఈ కోవలో చెప్పుకోవాల్సిన సినిమా ఓజీ (OG). థియేటర్లలో మంచి విజయాన్ని అందుకున్న ఈ చిత్రం, ఓటీటీలో మాత్రం ఏకంగా సంచలనాలు సృష్టిస్తోంది. ఓజీ మూవీకి ఇప్పటికే 4 మిలియన్స్కు పైగా వ్యూస్ దక్కడం విశేషం. ఈ భారీ స్పందన, సినిమాకున్న క్రేజ్‌ను మరోసారి చాటి చెబుతోంది.
మరోవైపు, లోక చాప్టర్ 1 విషయంలో మాత్రం పరిస్థితి కాస్త భిన్నంగా ఉంది. డిస్నీ ప్లస్ హాట్‌స్టార్‌లో స్ట్రీమింగ్ అవుతున్న ఈ సినిమాకు, ఓటీటీలో ఆశించిన స్థాయిలో రెస్పాన్స్ రావడం లేదు. కొత్తగా ఈ సినిమాను చూస్తున్న ప్రేక్షకులు తీవ్ర నిరాశ చెందుతున్నట్లు తెలుస్తోంది. వాస్తవానికి, 'లోక' అంత అద్భుతమైన చిత్రమేమీ కాదనే అభిప్రాయం ఉంది. ప్రీ-ఇంటర్వెల్ సన్నివేశాలు మినహా సినిమాలో ఆకట్టుకునే అంశాలు తక్కువేనని విమర్శకులు సైతం అభిప్రాయపడ్డారు.
అయితే, సినిమా విడుదల సమయంలో ఏర్పడిన ఓవర్ హైప్ మాత్రం ఈ సినిమాకు థియేటర్‌లో ప్లస్ పాయింట్‌గా నిలిచింది. ఈ విషయం గురించి నిర్మాత నాగవంశీ సైతం స్పందిస్తూ, 'లోక' మూవీ స్ట్రెయిట్ తెలుగు మూవీ అయ్యి ఉంటే హిట్ అయ్యేది కాదు అని కామెంట్లు చేయడం అప్పట్లో హాట్ టాపిక్ అయింది.
మొత్తం మీద, ఓటీటీ ప్లాట్‌ఫామ్‌లు అందుబాటులోకి వచ్చిన తర్వాత ప్రేక్షకులు మరింత విశ్లేషణాత్మకంగా మారుతున్నారని, థియేటర్ హైప్‌తో సంబంధం లేకుండా కంటెంట్‌ను మాత్రమే ఆదరిస్తున్నారని ఈ పరిణామాలు స్పష్టం చేస్తున్నాయి. కొత్త లోక మూవీ ఓటీటీలో ఏ స్థాయిలో వ్యూస్ ను సొంతం చేసుకుంటుందో చూడాల్సి ఉంది.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి