డైరెక్టర్ తేజ తెరకెక్కించిన చిత్రం సినిమా ద్వారా కమెడియన్ గా పేరు సంపాదించిన బబ్లూ అల్లు అర్జున్ తో కలిసి ఆర్య సినిమాలో కూడా నటించారు. ఆ తర్వాత ఆనందం, చిరుత, ఎవడి గోల వాడిది తదితర చిత్రాలలో నటించి మంచి పాపులారిటీ అందుకున్నారు.ఇండస్ట్రీలోకి కమెడియన్స్ ఎక్కువమంది రావడంతో ఆ సమయంలోనే అవకాశాలు నెమ్మదిగా తగ్గిపోయాయి. అలాంటి సమయంలోనే తన కుటుంబ సభ్యులు ఒక్కొక్కరు వరుసగా మరణిస్తూ ఉండడంతో డిప్రెషన్ లోకి వెళ్లిపోయానని ఇంట్లో ఉండడం వల్ల తాను నటనకు దూరమయ్యానంటూ గతంలో ఒక ఇంటర్వ్యూలో వెల్లడించారు బబ్లూ.
తనకి మంచి అవకాశాలు వస్తే ఇప్పుడు కూడా నటించడానికి సిద్ధంగానే ఉన్నప్పటికీ అవకాశాలు మాత్రం రాలేదట. దీంతో తాను డీజేగా పని చేస్తున్నానని తెలియజేశారు. బబ్లూ కు సంబంధించి సోషల్ మీడియాలో ఒక వీడియో వైరల్ గా మారింది. 2006 నుంచి తాను డీజేగా పనిచేస్తున్నట్లు తెలియజేశారు. ఒకప్పుడు కమెడియన్ గా అలరించిన బబ్లూ ఇప్పుడు ఎటువంటి మొహమాటం లేకుండా డీజేగా పనిచేయడం చూసి అందరూ ఆశ్చర్యపోతున్నారు. కేవలం నటన మీదే కాకుండా ఎలాగైనా సంపాదించుకోవచ్చు అనే విధంగా కమెడియన్ బబ్లూ చేసి చూపిస్తున్నారని కొంతమంది నేటిజన్స్ కామెంట్స్ చేస్తున్నారు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి