ఈ చిత్రానికి సంబంధించి ప్రమోషన్స్ ను కూడా మొదలుపెట్టారు చిత్ర బృందం. ఇందులో భాగంగా ఈ సినిమా నుంచి ఫస్ట్ సింగిల్ సాంగ్ ని విడుదల చేశారు మేకర్స్. దళపతి కచేరి అని రిలీజ్ చేసిన ఈ సాంగ్ ఇప్పుడు విజయ్ అభిమానులను మరింత ఆకట్టుకున్నట్లు కనిపిస్తోంది. ఈ పాటకు అనిరుద్ తో కలిసి విజయ్ పాడడం కూడా గమనార్హం. ఈ పాటకు ప్రముఖ టాలీవుడ్ కొరియోగ్రాఫర్ శేఖర్ మాస్టర్ కొరియోగ్రాఫర్ గా పనిచేశారు. ఇటీవల జరిగిన కొన్ని పరిణామాల వల్ల విజయ్ అభిమానులు కొంత మేరకు నిరాశపడ్డారు.
ఇప్పుడు తాజాగా ఈ సాంగ్ తో మరింత బూస్ట్ ఇచ్చినట్లుగా కనిపిస్తోంది. ఇప్పుడు ఎక్కడ చూసి జననాయగన్ సినిమాలోని పాటే వినిపిస్తోంది. అయితే ఈ సినిమా బాలయ్య నటించిన భగవంత్ కేసరి సినిమాకి రీమేక్ అంటూ వార్తలు వినిపిస్తున్నాయి. శ్రీలీల పాత్రలో మమిత బైజు నటిస్తున్నట్లు వినిపిస్తున్నాయి. ఈ చిత్రం వచ్చే ఏడాది సంక్రాంతి కానుకగా జనవరి 9వ తేదీన రిలీజ్ కాబోతోంది. రెండు తెలుగు రాష్ట్రాలలో కూడా ఈ సినిమాకి భారీగానే డిమాండ్ ఉన్నట్లుగా సమాచారం. అలాగే సంక్రాంతికి ఎన్నో పాన్ ఇండియా చిత్రాలు కూడా తెలుగులో నుంచి విడుదలవుతున్నాయి. మరి ఏ సినిమాకి బాగా కలిసి వస్తుందో చూడాలి మరి.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి