ఇప్పుడు ఇదే సీనారియో బాలయ్య అఖండ 2 విషయంలో కూడా కనిపిస్తోంది. ఇటీవల విడుదలైన అఖండ 2 ట్రైలర్ గురించి మాట్లాడితే—ప్రతి ఒక్కరూ బాలయ్య గారి పవర్‌ఫుల్ పెర్ఫార్మెన్స్‌కి, బోయపాటి శ్రీను మాస్ డైరెక్షన్‌కి ప్రశంసలు కురిపిస్తున్నారు. ట్రైలర్ విజువల్స్, బాలయ్య ఎనర్జీ గురించి అభిమానులు సందడి చేస్తున్నారు. కానీ వీరిద్దరికంటే ఎక్కువగా సోషల్ మీడియాలో హైలైట్ అవుతున్న పేరు మాత్రం ఒక్కటే… థమన్.“ఏం మ్యూజిక్ ఇచ్చాడు!”, “ఏ బీట్స్ అందించాడు!”, “బాలయ్య సినిమాలంటే థమన్ వేరే రేంజ్‌లో మ్యూజిక్ ఇస్తాడు!” అంటూ సోషల్ మీడియా మొత్తం పొగడ్తలతో నిండిపోయింది. ట్రైలర్‌లోనే ఇంత బలమైన బ్యాక్‌గ్రౌండ్ స్కోర్ ఇచ్చాడు అంటే, థియేటర్లలో బాలయ్య స్క్రీన్ ప్రెజెన్స్‌కి థమన్ సంగీతం జత అయితే ఏ రేంజ్ మాస్ ఎక్స్‌పీరియెన్స్ ఉంటుందో ఇప్పుడే ఊహించగలిగే స్థాయిలో కామెంట్స్ వస్తున్నాయి.
సోషల్ మీడియాలో ఇప్పుడు ట్రెండ్ అయ్యేది హీరో పేరు కాదు, హీరోయిన్ పేరు కాదు… థమన్ పేరు మారుమ్రోగిపోయేలా ట్రెండింగ్ అవుతోంది. అఖండ 2 ట్రైలర్ విడుదలైన కొన్ని గంటల్లోనే ఆయన పేరు సోషల్ ప్లాట్‌ఫామ్స్ మొత్తం షేక్ చేస్తోంది. ఇలా చూస్తే, థమన్ ప్రస్తుతం టాలీవుడ్‌లో సినిమాకి హైప్ రాబట్టే ప్రధాన ఫ్యాక్టర్లలో ఒకరిగా మారిపోయాడని చెప్పాల్సిందే.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి