సినిమా నిడివి:
ఇక సినిమా విడుదలైన నాలుగు నెలల తర్వాత ఒక ఇంటర్వ్యూలో గేమ్ ఛేంజర్ సినిమా ఎడిటర్ షమీర్ మహమ్మద్ మాట్లాడుతూ ఈ చిత్రం 7:30 గంటలకు పైగా ఉండగా ఈ చిత్రాన్ని 3 గంటలకు తీసుకువచ్చానని ఆ విషయంలో శంకర్ గారితో పడక వెళ్లిపోయానని , ఆ తర్వాత మరో ఎడిటర్ ఈ సినిమాని మరింత కట్ చేశారని తెలిపారు. కానీ డైరెక్టర్ శంకర్ కూడా ఈ సినిమా 5 గంటల రన్ టైం ఉన్నప్పటికీ చాలా మంచి సీన్స్ కట్ చేశామని తెలిపారు. సుమారుగా రూ .400 కోట్ల రూపాయలతో తెరకెక్కించిన ఈ సినిమా బాక్సాఫీసు వద్ద ఆశించిన స్థాయిలో కలెక్షన్స్ రాబట్ట లేకపోయింది.
కోట్ల రూపాయల నష్టం:
ప్రపంచవ్యాప్తంగా ఈ సినిమా రూ. 131 కోట్ల రూపాయలు మాత్రమే రాబట్టి పెద్ద మొత్తంలో నష్టాన్ని మిగిల్చింది. ఈ ఏడాది టాలీవుడ్ లో అత్యధిక నష్టాలు తెచ్చి పెట్టిన సినిమా లిస్టులో చేరినట్లు వినిపిస్తున్నాయి. ఈ చిత్రంలోని పాటలు, రామ్ చరణ్ ద్విపాత్రాభినయం కు ప్రశంసలు లభించాయి. ఈ చిత్రంలోని పాటలకే కొన్ని కోట్ల రూపాయలు ఖర్చు చేశారు. ఈ చిత్రం ద్వారా దిల్ రాజు ఏకంగా రూ .200 కోట్లు నష్టపోయారని సమాచారం. రెమ్యూనరేషన్ విషయంలో రామ్ చరణ్ కొంతమేరకు వెనక్కి ఇచ్చినట్లుగా వినిపించాయి. ఈ చిత్రానికి థమన్ సంగీతాన్ని అందించారు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి