రెండు తెలుగు రాష్ట్రాలలో చిరంజీవికి ఉన్న ఫ్యాన్ ఫాలోయింగ్ గురించి ప్రత్యేకంగా చెప్పాల్సిన పనిలేదు. తాజాగా మన శంకర వరప్రసాద్ గారు సినిమాకి సంబంధించి ప్రీమియర్ షో మొదటి టికెట్ ని మోకా సుబ్బారావు అనే అభిమాని ఏకంగా రూ. 1.11 లక్షలకు దక్కించుకున్నట్లు తెలుస్తోంది. డాక్టర్ బి.ఆర్ అంబేద్కర్ కోనసీమ జిల్లాలో అమలాపురంలో ఉండే శ్రీ వెంకటరమణ థియేటర్ వద్ద చిరంజీవి ఫ్యాన్స్ ఆధ్వర్యంలో ఈ టికెట్ ను వేలం నిర్వహించగా చిరంజీవి అభిమాని దక్కించుకున్నారు. ఈ వేలంలో ఎంతో మంది మెగా అభిమానులు పోటీపడినప్పటికీ చివరిగా మోకా సుబ్బారావు అధిక ధరకు దక్కించుకున్నారు. అయితే ఈ నగదును మాత్రం చిరంజీవి చారిటబుల్ ట్రస్ట్ కి అందిస్తామంటూ అభిమాన సంఘ నాయకులు తెలియజేస్తున్నారు. ఇందుకు సంబంధించి అభిమానులు సోషల్ మీడియాలో ఈ విషయాన్ని వైరల్ గా చేస్తున్నారు.
మన శంకర వరప్రసాద్ గారు చిత్రానికి సెన్సార్ నుంచి U/A సర్టిఫికెట్ కూడా లభించింది. ముఖ్యంగా ఈ సినిమా నిడివి 2 గంటల 42 నిమిషాలు కలదు. ఈ చిత్రానికి బీమ్స్ సిసిరోలియా సంగీతాన్ని అందిస్తున్నారు. ఇప్పటికే సంక్రాంతికి విడుదలయ్యే చిత్రాలకు సంబంధించి పలు ప్రాంతాలలో ఆన్లైన్ బుకింగ్స్ ఓపెన్ చేయగా టికెట్లు సైతం హాట్ కేకుల్లా అమ్ముడుపోతున్నాయి.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి