ఇక ఎమ్మెల్యే స్థాయిలో ఉన్న వ్యక్తులు వెంటనే నియోజకవర్గ ప్రజలకు దగ్గరకు వెళ్లి స్వయంగా సమస్యలను పరిష్కరించడం లాంటివి చేస్తూ ఉంటారు. కానీ ఇక్కడ ఒక ఎమ్మెల్యే మాత్రం దీనికి విరుద్ధంగా ప్రవర్తించాడు . ఇటీవలే ఎమ్మెల్యే సహాయం కోసం ఒక విద్యార్థి ఫోన్ చేయగా అతని పట్ల ఎమ్మెల్యే ప్రవర్తించిన తీరు మాత్రం ప్రస్తుతం విమర్శలకు తావిస్తోంది. సహాయం చేస్తాను అని అనకపోగా ఏకంగా వార్నింగ్ సైతం ఇచ్చాడు ఆ ఎమ్మెల్యే. దీంతో ఇక సహాయం కోసం ఫోన్ చేసినా ఆ విద్యార్థి నిరాశతో ఎమ్మెల్యే కు క్షమాపణలు చెప్పి ఫోన్ కట్ చేయాల్సిన పరిస్థితి ఏర్పడింది.
కేరళలోని కొల్లం ఎమ్మెల్యే నటుడు ముఖేష్ ఒక విద్యార్థి పట్ల ఈ తరహా ప్రవర్తన తో ప్రస్తుతం వార్తల్లో నిలిచి విమర్శల పాలవుతున్నాడు. ఇటీవలే ఎమ్మెల్యే ముఖేష్ కు ఒక టెన్త్ విద్యార్ధి ఫోన్ చేశాడు తన కుటుంబం ఎంతో ఆర్థిక సమస్యల్లో ఉందని తన చదువుకు కూడా ఎంతో ఇబ్బంది ఏర్పడుతుంది అంటూ తమ బాధలు చెప్పుకున్నాడు. సహాయం చేసి తమను ఆదుకోవాలి అంటూ ఎంతో దీనంగా కోరాడు. ఇలాంటి సమయంలో ఒక ప్రజా ప్రతినిధిగా నియోజకవర్గ ఎమ్మెల్యేగా సానుకూలంగా స్పందించాల్సింది పోయి ఆ యువకుడి పట్ల దురుసుగా ప్రవర్తించాడు ఎమ్మెల్యే. ఈ సమయంలో నువ్వు నా ఎదురుగా ఉంటే క్యాన్ తీసుకొని ముఖం పగలగొట్టే వాడిని అంటూ వార్నింగ్ ఇచ్చాడు. దీంతో భయపడిపోయిన ఆ పదవ తరగతి విద్యార్థి వెంటనే ఎమ్మెల్యే కు క్షమాపణలు చెప్పి ఫోన్ కట్ చేసాడు. ఈ విషయం బయటకు రావడంతో ఎమ్మెల్యే తీరు పై విమర్శలు వస్తున్నాయి.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి