అధికారంలోకి వచ్చిన తర్వాత నమామి గంగే, అయోధ్య రామమందిర నిర్మాణం, స్వచ్ఛ భారత్, మేకిన్ ఇండియా, ఆత్మ నిర్భర్ భారత్ అంటూ ఎన్నో పథకాలను అమలు చేసిన అటు ప్రజల్లో కూడా తనదైన గుర్తింపు సంపాదించారు. అలాగే ప్రపంచ దేశాల సరసన భారత్‌ను నిలబెట్టి... అన్ని దేశాధినేతలతో వాహ్ మోదీజీ అనిపించుకున్నారు కూడా. అయితే ప్రస్తుతం మోదీ వయసే ఆయన భవిష్యత్తుకు అడ్డంకిగా మారింది. సాధారణంగా బీజేపీలో కొన్ని పరిమితులు ఉన్నాయి. ఏ స్థాయి నాయకుడైనా సరే... ఒక వయసు వరకు మాత్రమే పదవిలో ఉండాలి. ఆ తర్వాత నుంచి తప్పుకోవాలి. ఇదే నియమంతో గతంలో ఎందరో మహామహులు కూడా ప్రత్యక్ష రాజకీయాలకు దూరమయ్యారు. పార్టీని తమ భుజస్కందాలపై మోసి... ఈ స్థాయికి వచ్చేందుకు బలమైన పునాదులు వేసిన మాజీ ప్రధాని అటల్ బిహారీ వాజ్‌పేయ్, కేంద్ర మాజీ మంత్రి ఎల్.కే. అద్వానీలు సైతం ఒక వయసు తర్వాత ఇంటికే పరిమితమయ్యారు. అంతేందుకు... తాజాగా మన పక్కనే ఉన్న కర్ణాటకలో కూడా పార్టీ కోసం ఎంతో కష్టపడిన బీఎస్ యడియూరప్పను కూడా వయసు కారణంగా తప్పించి... అక్కడ బసవరాజ్ బొమ్మైని సీఎం కూర్చిలో కూర్చొచెట్టింది కమలం పార్టీ. ఇప్పుడు మోదీ వయసు కూడా 71 వయసు దాటేసింది. ఈ నేపథ్యంలో వచ్చే ఎన్నికల్లో మోదీ పోటీ చేస్తారా... లేదా.... పోటీ చేయకపోతే... ప్రధాని అభ్యర్థి ఎవరూ అనేది ప్రస్తుతానికి మిలియన్ డాలర్ల ప్రశ్న.
