హెరాయిన్ విషయంలో ఏపీ పాత్ర ఉందని దుష్ప్రచారం జరుగుతుంది అని డీజీపీ ఫైర్ అయ్యారు. పట్టుబడిన హెరాయిన్ కు ఏపీకి ఎటువంటి సంబంధం లేదు అని అన్నారు ఆయన. డిఆర్ఐ నార్కోటెక్స్ కంట్రోల్ ఆధ్వర్యంలో విచారణ జరుగుతుంది అని తెలిపారు. విజయవాడను ట్రాన్స్పోర్ట్ అడ్రస్ గా మాత్రమే వాడుకున్నారు అని వెల్లడించారు. చెన్నై కేంద్రంగా మొత్తం లావాదేవీలు జరిపారు అని అన్నారు ఆయన. హెరాయిన్ విషయంలో పొలిటికల్ లీడర్స్ అంతా తప్పుడు ఆరోపణలు చేస్తున్నారు అని విమర్శించారు.
సీఎం ఆఫీసు పక్కన ఇదంతా జరిగిందని అసత్య ప్రచారం చేస్తున్నారూ అని ఆయన వ్యాఖ్యానించారు. ప్రజలను తప్పుదారి పట్టించి అభద్రతా భావంలోకి పొలిటికల్ లీడర్స్ నెడుతున్నారు అని వ్యాఖ్యలు చేసారు. పొలిటికల్ లీడర్స్ వ్యాఖ్యలను ఖండిస్తున్నా అన్నారు ఆయన. హెరాయిన్ పట్టుబడిన విషయంలో వాస్తవాలు తెలుసుకొని పొలిటికల్ లీడర్స్ మాట్లాడాలి అని హితవు పలుకారు. అసాంఘిక కార్యకలాపాలకు రాష్ట్రంలో చోటు లేదు అని డీజీపీ సవాంగ్ స్పష్టం చేసారు. హెరాయిన్ కేసు దర్యాప్తు కేంద్ర బృందాలు విచారణ చేస్తున్నాయి అని ఆయన పేర్కొన్నారు. దర్యాప్తు బృందాలకు మేము సహకరిస్తాం అని పేర్కొన్నారు.
