మాగంటి గోపీనాథ్ అస్వస్థతకు గురైన వెంటనే పార్టీ కీలక నేతలలో ఒకరైన హరీష్ రావుతో పాటు ఇతర ముఖ్య నేతలు హుటాహుటిన ఏఐజీ ఆస్పత్రికి చేరుకుని పరామర్శించారు. మాగంటి గోపీనాథ్ మూడుసార్లు ఎమ్మెల్యేగా గెలిచారు. ఆయన స్వస్థలం కృష్ణా జిల్లాలోని పామర్రు. మాగంటి గోపీనాథ్ కిడ్నీ సమస్యతో పాటు ఇతర అనారోగ్య సమస్యలతో గత కొంతకాలంగా బాధ పడుతున్నారని తెలుస్తోంది.
గతంలో ఏఐజీ ఆస్పత్రిలో ఆయన చికిత్స తీసుకున్నారని సమాచారం. మాగంటి గోపీనాథ్ మరణ వార్త తెలిసి తెలంగాణ రాష్ట్రంలోని ఇతర పార్టీల నేతలు సైతం సంతాపం తెలియజేస్తున్నారు. మాగంటి గోపీనాథ్ కుటుంబ సభ్యులకు ప్రగాఢ సానుభూతి తెలియజేస్తున్నారు. 2014 సంవత్సరంలో టీడీపీ నుంచి గెలిచిన మాగంటి గోపీనాథ్ తర్వాత రోజుల్లో భవిష్యత్తును దృష్టిలో ఉంచుకుని బీఆర్ఎస్ పార్టీలో చేరారు.
2018, 2023 ఎన్నికల్లో జూబ్లీహిల్స్ నుంచి గెలిచిన ఆయన గత ఎన్నికల్లో కీలక నేత అజారుద్దీన్ ను ఓడించారు. 1983 సంవత్సరం నుంచి మాగంటి గోపీనాథ్ రాజకీయాల్లో యాక్టివ్ గా ఉన్నారు. ఆయన తన పొలిటికల్ కెరీర్ లో వేర్వేరు పదవులలో పని చేసి మంచి పేరు సంపాదించుకున్నారు. సౌమ్యుడిగా, మృదు స్వభావిగా మాగంటి గోపీనాథ్ పేరు తెచ్చుకున్నారు. మాగంటి గోపీనాథ్ జీవించి లేరనే వార్తను నమ్మలేకపోతున్నామని చెబుతూ బీఆర్ఎస్ నేతలు కంటతడి పెడుతున్నారు. రెండు రోజుల క్రితం మధ్యాహ్న సమయంలో ఆయన కుప్పకూలిపోయారని ఏడాది కాలంగా గోపీనాథ్ పబ్లిక్ కు దూరంగా ఉన్నారని సమాచారం.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి