గతంలో వందకు పైగా గదులు ఉన్న రిసార్టును కూల్చేసి, వందల కోట్లు ఖర్చు పెట్టి కేవలం పన్నెండు అతిథి గదులు మాత్రమే ఉండే భవనాలను నిర్మించడం ఏమాత్రం లాభదాయకం కాదు. అందుకే, ఈ నిర్మాణాలను యథాతథంగా వాడుకోకుండా, ప్రత్యామ్నాయ మార్గాలను అన్వేషిస్తున్నారు. ఈ సమస్యకు చక్కటి పరిష్కారంగా, ఆ ప్రాంగణంలో పక్కనే ఉన్న తొమ్మిది ఎకరాల ఖాళీ స్థలంను వినియోగంలోకి తేవాలన్న ఆలోచన తెరపైకి వచ్చింది. ఆ స్థలంలో శాశ్వత నిర్మాణాలు కాకుండా, రిసార్ట్ తరహాలో కాటేజీలను, మద్దతు నిర్మాణాలను ఏర్పాటు చేసి... మొత్తం ప్రాంతాన్ని ఒక అంతర్జాతీయ రిసార్ట్‌గా మార్చాలనేది కొత్త ప్రణాళిక. ఈ స్థల వినియోగం ద్వారానే ఆదాయాన్ని గడించవచ్చన్నది ప్రభుత్వ వ్యూహం.
ఈ మెగా ప్రాజెక్టును చేపట్టేందుకు ప్రపంచ ప్రఖ్యాత హోటల్స్ నిర్వహణ సంస్థ 'అట్మాస్పియర్ కోర్' రంగంలోకి దిగినట్లు తెలుస్తోంది. మాల్దీవ్స్ సహా అనేక ప్రముఖ టూరిజం డెస్టినేషన్స్‌లో విలాసవంతమైన హోటల్స్‌ను నిర్వహిస్తున్న ఈ సంస్థ, ఇటీవల ఇండియాలో తన పెట్టుబడులను విపరీతంగా విస్తరిస్తోంది. విశాఖలో ఒక మంచి ప్రాజెక్టు కోసం చూస్తున్న ఆ సంస్థకు రుషికొండ స్థలం సరిపోతుందని భావిస్తోంది. అందుకే, ఆలస్యం చేయకుండా ప్రభుత్వ వర్గాలను సంప్రదించి, ఆ ప్రాజెక్టుపై వర్కవుట్ చేస్తున్నట్లు సమాచారం. ప్రజాధనం వృధాగా ఉంచడం కన్నా, వీలైనంత త్వరగా ఆదాయాన్ని సృష్టించుకోవడం చాలా ముఖ్యమని ప్రజల నుంచి బలంగా అభిప్రాయం వస్తోంది. అట్మాస్పియర్ కోర్ సంస్థ గనుక ఆకర్షణీయమైన ఆఫర్ ఇస్తే... ఆ రిసార్ట్ నిర్వహణను వారికే అప్పగించే అవకాశాలు పుష్కలంగా ఉన్నాయి!
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి