భారత బ్యాట‌ర్ల‌లో ఏకంగా ముగ్గురు సెంచరీలు చేశారు. సాధారణంగా ఈ స్థాయి లక్ష్యం చేధించడం పెద్ద కష్టం కాకపోయినా, కరేబియన్‌ జట్టు మరోసారి తన బలహీనతను చాటుకుంది. బ్యాటింగ్‌కు దిగిన వెస్టిండీస్‌ బ్యాటర్లు ప్రారంభం నుంచి తడబాటు ప్రదర్శించారు. ఒక్కొక్కరుగా పెవిలియన్‌ చేరడంతో జట్టు మొత్తం 146 పరుగులకే ఆలౌట్‌ అయింది. ఇందులో ముగ్గురు బ్యాటర్లు మాత్రమే రెండంకెల స్కోరు సాధించగలగడం వారి నిరుత్సాహకరమైన స్థితిని ప్రతిబింబించింది. చివరికి ఒక ఇన్నింగ్స్‌ 140 పరుగుల తేడాతో ఘోర పరాజయం మూటగట్టుకున్నారు.
ఇక భారత బౌలర్లు మాత్రం క్రమశిక్షణతో బౌలింగ్‌ చేసి ప్రత్యర్థులను బిగించి పట్టేశారు. బౌలింగ్‌లోని వైవిధ్యం, బ్యాటింగ్‌లోని స్థిరత్వం కలిపి టీమ్‌ ఇండియాకు స్పష్టమైన ఆధిక్యాన్ని ఇచ్చాయి. ఒకప్పుడు వరల్డ్‌కప్‌లు గెలిచిన, క్రికెట్‌ ప్రపంచానికి లెజెండరీ బౌలర్లను, విధ్వంసకర బ్యాటర్లను అందించిన వెస్టిండీస్‌ క్రికెట్‌ నేడు ఇంత దారుణ స్థితికి చేరుకోవడం అభిమానులను తీవ్రంగా బాధిస్తోంది. మూడు రోజుల్లోనే చేతులెత్తేసిన ఈ ప్రదర్శన వారి క్రికెట్‌ పతనానికి మరో ఉదాహరణగా నిలిచింది. రాబోయే రోజుల్లో వెస్టిండీస్‌ మళ్లీ పాత గౌరవాన్ని తెచ్చుకుంటుందా? అన్నది ఇప్పుడు పెద్ద ప్రశ్నగా మారింది.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి