యూట్యూబ్ అందుబాటులోకి వచ్చి, వీడియో ఆధారిత కంటెంట్‌కు డిమాండ్ పెరిగిన తర్వాత, ప్రతి ఒక్కరికీ తమ టాలెంట్‌ను బయట పెట్టడానికి పెద్ద అవకాశం వచ్చింది. మాట్లాడగలిగినా, పాడగలిగినా, వంట చేయగలిగినా, డాన్స్‌ చేయగలిగినా, సినిమా రివ్యూలు చెయ్యగలిగినా—ఏ నైపుణ్యమైనా గ్లోబల్ స్టేజ్ మీద ప్రదర్శించే స్కోప్ ఏర్పడింది.ముఖ్యంగా టీవీ, ఎంటర్టైన్మెంట్ రంగానికి చెందిన వారికి యూట్యూబ్ బిగ్ ప్రాఫిట్ జెనరేటర్ గా మారింది. ఒకప్పుడు పూర్తిగా టీవీ ఛానల్స్ మీదే ఆధారపడిన వారు, ఇప్పుడు తామే ఛానల్స్ క్రియేట్ చేసుకుని, తామే కంటెంట్ ప్రొడ్యూసర్స్, తామే సెలబ్రిటీలు అయిపోయారు.
ఇప్పుడైతే దాదాపు ప్రతి సెలబ్రిటీ కూడా ఒకటి కాదు, మూడు–నాలుగు యూట్యూబ్ ఛానల్స్ ను మెయింటైన్ చేస్తూ, గణనీయంగా సంపాదిస్తున్నారు. ఫిల్మ్ ఇండస్ట్రీ, ఎంటర్టైన్మెంట్ ఫీల్డ్ మాత్రమే కాదు—కామన్ పీపుల్ కూడా యూట్యూబ్‌ను ఫుల్ టైమ్ జాబ్ లా తీసుకుని, నెలకు మంచి ఇంకమ్ సంపాదిస్తూ ముందుకు వెళ్తున్నారు.వీడియో ఎడిటింగ్, షార్ట్ ఫిల్మ్స్, రియాక్షన్ వీడియోలు, ఇన్ఫర్మేటివ్ కంటెంట్, ఫ్యామిలీ వ్లాగ్స్, ఫుడ్ ఛానల్స్—ఎక్కడ చూసినా ప్రజలు తమ స్కిల్స్ చూపిస్తూ, ఆడియెన్స్‌ను అట్ట్రాక్ట్ చేస్తున్నారు. దీనివల్ల చాలా మంది అభిప్రాయం ప్రకారం, యూట్యూబ్ నిజంగానే కామన్ పీపుల్‌కు ఒక వరంలా మారింది. ప్రతిభ ఉన్నవారికి అవకాశాల వేదికగా, ఎవరైనా స్టేజ్ మీద నిలబడగలిగేలా చేసిన ప్లాట్‌ఫామ్‌గా యూట్యూబ్ ప్రాముఖ్యం పెరిగింది.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి