చంద్రబాబు ఇప్పుడు ఎన్నికల హామీలు గుప్పిస్తున్నారు. అయితే.. చంద్రబాబు ఎప్పుడూ ప్రజల జీవితాలకు దూరంగా ఉన్నారని.. చంద్రబాబు ఇప్పుడు ఇస్తాను అంటున్నవి గతంలో అధికారంలో ఉన్నపుడు ఎందుకు ఇవ్వలేకపోయారని వైసీపీ మంత్రులు ప్రశ్నిస్తున్నారు. తాము పేద‌ల ఇళ్ల నిర్మాణం నిమిత్తం సెంటు భూమి ఇస్తున్నామని.. సెంటు భూమి,సెంటు భూమి అని హేళన చేస్తున్న చంద్రబాబు..14 ఏళ్ళు ముఖ్యమంత్రిగా ఉన్నారు పేద‌ల కోసం ఏం చేశారని మంత్రి ధర్మాన ప్రసాదరావు నిలదీశారు.

పేదల సొంతింటి క‌ల నెర వేర్పు కోసం చంద్రబాబు ఏం చేశారన్న మంత్రి ధర్మాన ప్రసాదరావు.. తనలో నిజాయితీ లేదని అన్నారు. తాము  ఇనాం భూముల య‌జ‌మానులకు కూడా పూర్తి హక్కులు కల్పిస్తున్నామని.. ఎలిజిబుల్ రైట్స్ ఇస్తున్నామని..  వివాద ర‌హిత భూమి కార‌ణంగా జీడీపీ రెండు శాతం పెరుగుతుందని మంత్రి ధర్మాన ప్రసాదరావు అన్నారు. భూ సర్వే 100 ఏళ్ల ముందు బ్రిటిష్ వారు చేశారని... కానీ ఇప్పుడు వైయ‌స్సార్ కాంగ్రెస్ హ‌యాంలో న‌డుస్తున్న ప్రభుత్వం ఆధునిక యంత్ర ప‌రిక‌రాల‌తో పూర్తి స్థాయిలో నిష్పాక్షిక ధోర‌ణిలో స‌ర్వే చేస్తోందని చెప్పారు.
మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

CHANDRABABU

Chakravarthi Kalyan

11/08/2023 07:36 AM