పూర్తి వివరాల్లోకి వెళ్తే.. కేరళలోని మున్నార్‌కు చెంది నిషాంత్ (30) చెన్నైలో ఓ ప్రైవేట్ సంస్థలో పనిచేస్తున్నాడు. తమిళనాడులోని అరియలూరు జిల్లా గంగైకొండచోళపురం ప్రాంతానికి చెందిన ఓ యువతి చెన్నైలోని ఓ ఆస్పత్రిలో పనిచేస్తోంది. వీరిద్దరికి పరిచయం ఏర్పడింది. అది కాస్తా ప్రేమగా మారింది. మొదట యువతి తరపు బంధువులు ఒప్పుకోలేదు. కానీ అతడు నచ్చజెప్పడంతో చివరకు ఎలాగోలా ఒప్పుకున్నారు. ఇటవలే నిశ్చితార్థం కూడా జరిగింది. మే 17న వివాహం జరగాల్సి ఉంది. ఐతే కరోనా సెకండ్ వేవ్ నేపథ్యంలో తమిళనాడులో కఠిన ఆంక్షలు అమల్లో ఉన్నందున నిషాంత్ పనిచేస్తున్న కార్యాలయానికి సెలవులు ప్రకటించారు.
అయితే కేరళలో లాక్‌డౌన్‌తో అతడు సొంతూరికి వెళ్లలేక.. కాబోయే అత్త వారింటికి వెళ్లాడు. మంగళవారం అతడికి చేపల పులుసుతో భోజనం వడ్డించారు. అన్నం తిన్న కాసేపటికే నిషాంత్ వాంతులు చేసుకున్నాడు. ఆస్పత్రికి తీసుకెళ్లగా అప్పటికే మృతిచెందినట్లు డాక్టర్లు తెలిపారు. ఆ ఇంట్లో అందరూ బాగానే ఉన్నారు. నిషాంత్ మాత్రమే చనిపోయాడు. సరిగ్గా ఇక్కడే అనుమానాలు పెరిగాయి. నిషాంంత్ తండ్రి ఫిర్యాదు మేరకు పోలీసులు కేసు నమోదు చేసుకొని దర్యాప్తు చేస్తున్నారు. నిశాంత్ ప్రియుడి కుటుంబ సభ్యులను అదుపులోకి తీసుకొని విచారిస్తున్నారు. తమకు ఏపాపం తెలియదని.. కాబోయే అల్లుడి ఎలా చంపుకుంటామని వారు వాపోయారు. ఐతే పోస్టుమార్టం రిపోర్టు వచ్చిన తర్వాత ఈ వ్యవహారంపై మరింత క్లారిటీ వస్తుందని పోలీసులు తెలిపారు.
