തങ്കം കാത്തുവെച്ചിരിക്കുന്നത് ക്രൈം ഡ്രാമയെന്ന് ശ്യാം പുഷ്‌ക്കരൻ! ഫസ്റ്റ്‌ലുക്ക് മുതൽ റിലീസിന് തൊട്ടുമുൻപായി പുറത്തുവന്ന ട്രെയിലറിൽ പോലും വലിയ ട്വിസ്റ്റുകൾ കാത്തുവെയ്ക്കുകയാണ് ചിത്രം. എന്നാൽ വലിയ ട്വിസ്റ്റുകളുള്ള ഒരു ചിത്രമല്ല തങ്കമെന്നാണ് തിരക്കഥാകൃത്തും നിർമാതാവുമായ ശ്യാം പുഷ്‌ക്കരൻ പറയുന്നത്. ചിത്രം ഒരു ക്രൈം ഡ്രാമയാണെന്നും അതിൽ തന്നെ ഡ്രാമയാണ് കൂടുതലെന്നും ശ്യാം പുഷ്‌ക്കരൻ പറഞ്ഞു. സിനിമയുടെ പ്രെമോഷണൽ പ്രസ്മീറ്റിൽ സംസാരിക്കുകയായിരുന്നു അദ്ദേഹം. വിനീത് ശ്രീനിവാസനും ബിജു മേനോനും ഒപ്പം അപർണ മുരളിയും വ്യത്യസ്ത ലുക്കിലെത്തുന്ന ചിത്രമാണ് തങ്കം. 2018-ൽ സിനിമയുടെ വർക്കുകൾ ആരംഭിച്ചിരുന്നെങ്കിലും കോവിഡ് മൂലം സിനിമ നീണ്ടുപോവുകയായിരുന്നു.
ചിത്രത്തിലേക്ക് ആദ്യം വിനീതിനെ തന്നെയായിരുന്നു കാസ്റ്റ് ചെയ്തിരുന്നത് എന്നാൽ പിന്നീട് അദ്ദേഹത്തിന്റെ ചില വ്യക്തിപരമായ കാരണങ്ങളാൽ ഫഹദിനെ കാസ്റ്റ് ചെയ്യേണ്ടിവന്നു. കോവിഡ് മൂലം ചിത്രം നീണ്ടു പോയതിനാൽ വീണ്ടും ആ കഥാപാത്രം വിനീതിലേയ്ക്ക് എത്തുകയായിരുന്നെന്നും തിരക്കഥാകൃത്ത് ശ്യാം പുഷ്‌ക്കരൻ പറഞ്ഞു. കേരളത്തിന് പുറമേ തമിഴ്നാട്ടിലും മഹാരാഷ്ട്രയിലുമടക്കം നിരവധി സ്ഥലങ്ങളിലായിരുന്നു ചിത്രത്തിന്റെ ലൊക്കേഷനുകൾ.
ഏറ്റവും ആസ്വദിച്ച് ചെയ്ത ചിത്രങ്ങളിൽ ഒന്നാണ് തങ്കമെന്ന് ബിജു മേനോനും വിനീത് ശ്രീനിവാസനും പറയുന്നു. പ്രസ്മീറ്റിൽ ചിത്രത്തിന്റെ നിർമാതാവ് കൂടിയായ ഫഹദ് ഫാസിലും പങ്കെടുത്തിരുന്നു.
ഇതിന് പുറമെ അപർണ ബാലമുരളി, സംവിധായകൻ സഹീദ് അരാഫത്ത്, സംഗീത സംവിധായകൻ ബിജി ബാൽ, ദിലീഷ് പോത്തൻ എന്നിവരും പ്രസ് മീറ്റിൽ പങ്കെടുത്തു. ഭാവന സ്റ്റുഡിയോസ് നിർമിച്ച് ശ്യാം പുഷ്‌കരൻ തിരക്കഥയൊരുക്കി സഹീദ് അറാഫത്ത് സംവിധാനം ചെയ്യുന്ന ചിത്രം ജനുവരി 26 നാണ് റിലീസ് ചെയ്യുന്നത്.ആക്ഷൻ സുപ്രീം സുന്ദർ, ജോളി ബാസ്റ്റിൻ, കോസ്റ്യൂം ഡിസൈൻ മഷർ ഹംസ, പ്രൊഡക്ഷൻ കൺട്രോളർ ബിനു മണമ്പൂർ, സൗണ്ട് മിക്സിങ് തപസ് നായിക്ക്, കോ പ്രൊഡ്യൂസേഴ്‌സ് രാജൻ തോമസ് ഉണ്ണിമായ പ്രസാദ്, വി.എഫ്.എക്സ് എഗ് വൈറ്റ് വി.എഫ്.എക്സ്, ഡി ഐ കളർ പ്ലാനറ്റ് സ്റ്റുഡിയോസ്, എക്സിക്യൂട്ടീവ് പ്രൊഡ്യൂസേഴ്‌സ് ബെന്നി കട്ടപ്പന ജോസ് വിജയ്, കോ ഡയറക്ടർ പ്രിനീഷ് പ്രഭാകരൻ.
പി ആർ ഒ ആതിര ദിൽജിത്ത്.വിനീത് തട്ടിൽ, ശ്രീകാന്ത് മുരളി, കൊച്ചു പ്രേമൻ തുടങ്ങിയവരും നിരവധി മറാത്തി, ഹിന്ദി, തമിഴ് അഭിനേതാക്കളും പ്രധാനകഥാപാത്രങ്ങളാവുന്നുണ്ട്. ഗൗതം ശങ്കറാണ് ചിത്രത്തിന്റെ ക്യാമറ നിർവ്വഹിച്ചിരിക്കുന്നത്. ബിജി ബാലാണ് സംഗീതം, എഡിറ്റിങ് കിരൺ ദാസും കലാ സംവിധാനം ഗോകുൽ ദാസും നിർവ്വഹിച്ച ചിത്രത്തിൽ സൗണ്ട് ഡിസൈൻ ഗണേഷ് മാരാരും മേക്കപ്പ് റോണക്സ് സേവ്യറുമാണ്.
Find out more:
click and follow Indiaherald WhatsApp channel