റെജിച്ചായനും കൊച്ചുത്രേസ്യയും ഫ്‌ളൈറ്റിൽ വച്ച് ഒരുമിച്ചു കണ്ടപ്പോൾ; ജയറാമിന്റെ പുതിയ ചിത്രം വൈറൽ! പ്രേംനസീർ, കമൽഹാസൻ, മണിരത്നം അങ്ങനെ പല പ്രമുഖരേയും അനുകരിച്ച് കൈയ്യടി വാങ്ങിയിട്ടുണ്ട് മലയാളികളുടെ ഈ പ്രിയതാരം. പൊതുവേദികളിൽ ജയറാം (jayaram) എത്തിയിട്ടുണ്ടെങ്കിൽ പിന്നെ അവിടെ ചിരിയുടെ പൊടി പൂരമായിരിക്കുമെന്ന കാര്യത്തിൽ യാതൊരു സംശയവും വേണ്ട. ആളുകളെ ചിരിപ്പിക്കാനും രസിപ്പിക്കാനുമൊക്കെ ജയറാമിനോളം പോന്ന മറ്റൊരു താരമുണ്ടോയെന്ന കാര്യവും സംശയമാണ്. ജയറാമിന്റെ അഭിനയത്തിനൊപ്പം തന്നെ പ്രേക്ഷകർക്ക് അദ്ദേഹത്തിന്റെ മിമിക്രിയും ഏറെ ഇഷ്ടമാണ്. മിമിക്രി വേദികളിൽ നിന്നാണ് ജയറാം സിനിമയിലേക്ക് എത്തുന്നതും. ടിവിയിലും ഷോകളിലുമെല്ലാം ജയറാം മിമിക്രി ചെയ്യാൻ യാതൊരു മടിയും കാണിക്കാറുമില്ല.
ഇപ്പോഴിത നാളുകൾക്ക് ശേഷം നടി ഷീലയെ കണ്ടതിന്റെ സന്തോഷം പങ്കുവച്ചെത്തിയിരിക്കുകയാണ് ജയറാം. ഫ്ലൈറ്റ് യാത്രക്കിടെ പകർത്തിയ വീഡിയോയാണിത്. ഞാൻ ഒരുപാട് നാളുകൾക്ക് ശേഷമാണ് എന്റെ മാക്കത്തിനെ കാണുന്നത്. മാക്കത്തിന് സുഖമാണോ? എന്നാണ് പ്രേം നസീറിന്റെ ശബ്ദത്തിൽ ജയറാം ഷീലയോട് ചോദിക്കുന്നത്. അതുല്യപ്രതിഭ പ്രേംനസീറി (prem nazir) നെ മനോഹരമായി അനുകരിക്കാറുള്ള ഒരാൾ കൂടിയാണ് ജയറാം. പല വേദികളിലും പ്രേംനസീറിനെ അനുകരിച്ച് പ്രേക്ഷകരുടെ ഇഷ്ടം പിടിച്ചു പറ്റിയിട്ടുണ്ട് താരം. ഇരുവരും ഒന്നിച്ചെത്തിയ മനസിനക്കരെ എന്ന ചിത്രത്തിലെ മെല്ലെയൊന്ന് പാടി നിന്നെ ഞാനുണർത്തി ഓമലേ എന്ന ഗാനവും വീഡിയോയുടെ ബാക്ക്ഗ്രൗണ്ടിൽ കേൾക്കാം. നിരവധി പേരാണ് ജയറാമിന്റെ ഈ ക്യൂട്ട് വീഡിയോയ്ക്ക് കമന്റുമായെത്തിയിരിക്കുന്നത്.
ജയറാമേട്ടൻ മനസിനക്കരയിലേക്ക് കൊണ്ടുപോയി, എങ്ങോട്ടാ യാത്രാ, റെജിച്ചായനും കൊച്ചുത്രേസ്യയും എന്നൊക്കെയാണ് വീഡിയോയ്ക്ക് വരുന്ന കമന്റുകൾ. ജയറാമിന്റെ ചോദ്യങ്ങൾക്ക് ചിരിച്ചു കൊണ്ട് മറുപടി പറയുന്ന ഷീല (sheela)യേയും വീഡിയോയിൽ കാണാം. മണിരത്നം ചിത്രം പൊന്നിയിൻ സെൽവൻ 2 ആണ് പ്രേക്ഷകർ ഏറെ ആവേശത്തോടെ കാത്തിരിക്കുന്ന ചിത്രം. പൊന്നിയിൻ സെൽവനിലെ ജയറാമിന്റെ കഥാപാത്രം ഏറെ ശ്രദ്ധിക്കപ്പെട്ടിരുന്നു. കഴിഞ്ഞ ദിവസം നടൻ മഹേഷ് ബാബുവിനൊപ്പം താൻ അഭിനയിക്കാൻ പോവുകയാണെന്ന വിവരം ജയറാം പങ്കുവച്ചിരുന്നു.
അതേസമയം ബിഗ് ബഡ്ജറ്റ് ചിത്രങ്ങളടക്കം നിരവധി സിനിമകളാണ് ജയറാമിന്റെ ലൈൻ അപ്പിലുള്ളത്.ഗോസ്റ്റ് എന്ന ചിത്രവും ജയറാമിന്റേതായി വരാനുണ്ട്. സത്യൻ അന്തിക്കാടിന്റെ മകൾ എന്ന ചിത്രമായിരുന്നു ജയറാമിന്റേതായി ഒടുവിലെത്തിയ മലയാള ചിത്രം.
Find out more:
click and follow Indiaherald WhatsApp channel