పవన్ కళ్యాణ్ అభిమానులకు ఇది నిజంగా గుడ్ న్యూస్. ఫ్యాన్స్ కొద్ది రోజులుగా ఈగ‌ర్‌గా వెయిట్ చేస్తోన్న ఓజీ సినిమా నుంచి అదిరిపోయే అప్‌డేట్ బ‌య‌ట‌కు వ‌చ్చింది. ఓజీ ఫస్ట్ సింగిల్ "ఫైర్‌స్టారమ్ ఈజ్ కమింగ్" త్వరలో విడుదల కానుంది. దీంతో అభిమానుల్లో భారీ ఎక్స్‌సైట్మెంట్ నెలకొంది. ఈ సినిమాకు సుజీత్ దర్శకత్వం వహించగా, మ్యూజిక్ సెన్సేషన్ ఎస్ థమన్ సంగీతాన్ని అందిస్తున్నారు. ప్రత్యేకత ఏమిటంటే, ఫస్ట్ సింగిల్‌ను పాపులర్ తమిళ స్టార్ సింబు ఆలపించనున్నాడు. ఇది తెలుగు సినీ పరిశ్రమలో ఓ కొత్త ప్రయోగం. ఈ పాటను ఆగస్టు 1, 2025 న విడుదల చేయనున్నట్లు సమాచారం. థమన్ ఇటీవల తన ఇన్‌స్టాగ్రామ్‌లో కూడా దీనిపై హింట్ ఇవ్వడంతో, అభిమానుల్లో ఆసక్తి మరింతగా పెరిగింది. అధికారిక ప్రకటన ఈ వీకెండ్‌లో వచ్చే అవకాశముంది.
ఓజీ సినిమా ఒక పీరియడ్ గ్యాంగ్‌స్టర్ డ్రామాగా రూపొందుతోంది. పవన్ కళ్యాణ్ ఈ సినిమాలో డ్యాషింగ్ రోల్‌లో కనిపించనున్నారు. పవన్ సరసన ప్రియాంక అరుల్ మోహన్ హీరోయిన్‌గా నటిస్తోంది. పవన్-ప్రియాంక జోడీపై ఇప్పటికే సోషల్ మీడియాలో మంచి క్రేజ్ ఉంది. ఓజీ సినిమాలో ఇమ్రాన్ హాష్మి, ప్రకాష్ రాజ్, అర్జున్ దాస్, షామ్, శ్రియా రెడ్డి, వెంకట్, హరీష్ ఉత్తమన్ వంటి ప్రముఖ నటులు కీలక పాత్రల్లో నటిస్తున్నారు. ఈ క్యాస్టింగ్‌నే చూస్తే సినిమా స్థాయి ఏ రేంజ్‌లో ఉందో అర్థం చేసుకోవచ్చు. ఈ భారీ ప్రాజెక్టును డీవీవీ ఎంటర్‌టైన్‌మెంట్ బ్యానర్‌పై డీవీవీ దానయ్య నిర్మిస్తున్నారు. అంతర్జాతీయ స్థాయిలో తెరకెక్కుతున్న ఈ సినిమా విజువల్స్, మేకింగ్ స్టాండర్డ్స్ ఇప్పటికే ప్రేక్షకులను ఆకట్టుకున్నాయి.
"ఫైర్‌స్టారమ్ ఈజ్ కమింగ్" అనే టైటిల్‌నే సినిమాకు తగినట్టుగా బలమైన మాస్ యాక్షన్ మూడ్‌ను సూచిస్తుంది. సింబు వాయిస్, థమన్ సంగీతం కలిసినప్పుడు ఎలా ఉంటుందో అన్న అంచనాలు ఇప్పటికే భారీగా ఉన్నాయి. పాట విడుదలవుతున్న రోజున సోషల్ మీడియాలో రికార్డులు తిరగరాయడం ఖాయం అంటున్నారు అభిమానులు.
సినిమా విడుదల తేదీ ఇంకా ప్రకటించలేదు కానీ, ఫస్ట్ సింగిల్‌తో ప్రచారాన్ని శరవేగంగా మొదలుపెట్టబోతున్నారు.
ఈ వాట్సాప్ నెంబ‌ర్‌కు మీ జిల్లాలో రాజకీయ, సామాజిక సమస్యలు వివ‌రాలు పంపండి..
ఏపీ, తెలంగాణలో వివిధ నియోజ‌క‌వ‌ర్గాల్లో నెల‌కొన్న ప్ర‌జ‌ల సమస్యలు, రాజకీయ ప‌ర‌మైన అంశాల‌ను మా దృష్టికి తీసుకు రావాల‌నుకుంటున్నారా ? మీ స‌మ‌స్య లేదా మీరు చెప్పే విషయం ఏదైనా క్లుప్తంగా 9490520108 నెంబ‌రుకు వాట్సాప్ ద్వారా తెలియ‌జేయండి.
నోట్ : వ్య‌క్తిగ‌త సమస్యలు వ‌ద్దు
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి