నేను నిర్మాతగా నష్టపోయినా విజయ్ పారితోషికం మాత్రం డబుల్ అయిందని సెల్వ కుమార్ కామెంట్లు చేశారు. పులి సినిమా వల్ల తాను ఆస్తులన్నీ అమ్ముకోవాల్సి వచ్చిందని ఈరోజు వరకు విజయ్ నుంచి ఓదార్పు లేదని సెల్వ కుమార్ అభిప్రాయం వ్యక్తం చేశారు.పులి సినిమాకు చింబు దేవన్ దర్శకత్వం వహించగా 2015 సంవత్సరంలో ఈ సినిమా థియేటర్లలో విడుదలైంది.
2015 నాటికి అత్యంత భారీ బడ్జెట్ తో తెరకెక్కిన సినిమాలలో ఈ సినిమా కూడా ఒకటి కావడం గమనార్హం. శ్రీదేవి, హన్సిక, కిచ్చా సుదీప్ ఈ సినిమాలో కీలక పాత్రల్లో నటించారు. ఈ సినిమాకు ప్రేక్షకుల నుంచి నెగిటివ్ టాక్ రావడంతో బాక్సాఫీస్ వద్ద డిజాస్టర్ గా నిలిచింది. ఈ సినిమాకు విడుదలకు ముందే ఎన్నో అవాంతరాలు ఎదురయ్యాయి. ఈ సినిమా రిలీజ్ స,సమయంలో నిర్మాతలపై ఐటీ అధికారులు దాడులు చేశారు.
ఈ సినిమా కోసం నా 27 సంవత్సరాల కష్టార్జితం ఖర్చు చేశానని సినిమా రిలీజ్ కాదనే ప్రచారం సైతం జరిగిందని సెల్వ కుమార్ అభిప్రాయం వ్యక్తం చేశారు. తొలిరోజే ఈ సినిమాకు నెగిటివ్ టాక్ వచ్చిందని స్టోరీ, గ్రాఫిక్స్ విషయంలో తీవ్ర విమర్శలు వ్యక్తమయ్యాయని సెల్వ కుమార్ పేర్కొన్నారు. నా స్థానంలో ఎవరైనా ఉంటే ఆత్మహత్య చూసుకునేవారని ఆయన తెలిపారు. ఈ సినిమాకు విజయ్ ఏకంగా 25 కోట్ల రూపాయలు పారితోషికంగా తీసుకున్నారట.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి