వివరాల్లోకి వెళితే — ఈ సినిమా కథను స్వయంగా మురుగదాస్ రాశారని, ఇది ఒక పాలిటికల్ యాక్షన్ థ్రిల్లర్ కానుందని అప్పట్లో సమాచారం వెలువడింది. మహేశ్ బాబు ఒక తెలివైన, న్యాయపరుడైన ఐఏఎస్ అధికారిగా, దేశవ్యాప్తంగా అవినీతిని నిర్మూలించేందుకు ప్రయత్నించే వ్యక్తిగా కనిపించబోతున్నారని టాక్. మరోవైపు ప్రభాస్ ఒక ధైర్యవంతమైన, ప్రజల కోసం పోరాడే యువ రాజకీయ నాయకుడుగా కనిపించబోతున్నాడని వార్తలు వచ్చాయి. ఇద్దరి ఆలోచనల మధ్య ఉన్న తేడాలు, సిస్టమ్‌లోని అవినీతిని ఎదుర్కొనే విధానం – ఇవే కథలో ప్రధానాంశాలు అని ఫిల్మ్‌నగర్ వర్గాల్లో గుసగుసలు వినిపించాయి.సినిమా నేపథ్యం చాలా పవర్‌ఫుల్‌గా ఉండేదని టాక్. మహేశ్ బాబు పాత్ర రియలిస్టిక్ టచ్‌లో ఉండగా, ప్రభాస్ పాత్రకు మాస్ ఎలిమెంట్స్ ఎక్కువగా ఉండేలా డిజైన్ చేశారట. ఇద్దరి పాత్రల మధ్య సుదీర్ఘ భావోద్వేగ సన్నివేశాలు, రాజకీయ శక్తుల మధ్య జరిగే పోరాటం, సిస్టమ్‌ను మార్చాలనే తపన — ఇవన్నీ కలిపి సినిమా స్క్రిప్ట్ చాలా బలంగా ఉందని అప్పట్లో మురుగదాస్ టీమ్‌లో చర్చలు జరిగాయి.
అయితే, ఈ భారీ కాంబినేషన్ సినిమా రూపుదిద్దుకునే లోపే ఆగిపోయింది. ప్రధాన కారణం డేట్స్ క్లాష్. ఒకవైపు మహేశ్ బాబు కమిట్ అయిన సినిమా షూటింగ్‌లో బిజీగా ఉండగా, మరోవైపు ప్రభాస్ వేరే సినిమాల షూటింగ్‌లో పూర్తిగా మునిగిపోయాడు. మురుగదాస్ ఈ ప్రాజెక్ట్‌పై చాలా ఆశలు పెట్టుకున్నాడు, కానీ ఇది సెట్ కాలేదు. సినీ విశ్లేషకుల మాటల్లో చెప్పాలంటే — “ఈ ఇద్దరి హీరోల కాంబినేషన్ ఒకసారి సక్సెస్ అయితే అది చరిత్ర సృష్టించే సినిమా అవుతుంది. తెలుగు సినిమా హాలీవుడ్ స్థాయిలోకి వెళ్ళే అవకాశమే ఉంటుంది” అంటున్నారు. మురుగదాస్, మహేశ్ బాబు, ప్రభాస్ అనే త్రయం మళ్లీ ఒకసారి కలిసి రావాలని అభిమానులు ఇప్పటికీ ఎదురు చూస్తున్నారు..!!
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి