శ్వేతా మాట్లాడుతూ, “సుశాంత్ బెడ్ మరియు ఫ్యాన్ మధ్య ఉన్న దూరం చూసినప్పుడు, అతను ఉరేసుకుని చనిపోయే అవకాశం అసలు లేదు. అంతేకాదు, అతని మెడపై ఉరి తీయడానికి ఉపయోగించిన దుపట్టా గుర్తులు కనిపించలేదు. దాని బదులు కేవలం ఒక చిన్న చైన్ ముద్ర మాత్రమే కనిపించింది. అది చూసినప్పుడు నాకు చాలా గాఢమైన అనుమానం వచ్చింది,” అని ఆమె తెలిపింది. ఇక ఆమె మాట్లాడుతూ — “సుశాంత్ చనిపోయిన తర్వాత నేను అమెరికాలో ఉన్న ఒక ప్రసిద్ధ మానసిక నిపుణుడిని సంప్రదించాను. అలాగే ముంబైలో మరో నిపుణుడితో కూడా మాట్లాడాను. ఆశ్చర్యకరమైన విషయం ఏమిటంటే, ఈ ఇద్దరికీ ఒకరికొకరు ఎలాంటి పరిచయం లేకపోయినా, ఇద్దరూ ఒకే విధంగా స్పందించారు. వారు చెప్పింది ఏమిటంటే — ఇది ఆత్మహత్య కాదు, ఈ ఘటనలో రెండు వ్యక్తుల ప్రమేయం ఉండొచ్చు, అంటే హత్య జరిగి ఉండే అవకాశం ఎక్కువ అని.” చెప్పారు
శ్వేతా చెప్పిన ఈ మాటలు సోషల్ మీడియాలో, న్యూస్ ఛానళ్లలో కొత్త చర్చకు దారితీశాయి. ఆమె మాట్లాడుతూ, “ఇద్దరు నిపుణులు ఒకే రకంగా చెప్పడం నాకు పెద్ద షాక్ ఇచ్చింది. అప్పట్లో మా కుటుంబం ఈ విషయాలను పెద్దగా పట్టించుకోలేదు. కానీ తర్వాతి రోజుల్లో జరిగిన పరిణామాలు, బయటకొచ్చిన రూమర్లు, ఆధారాలు అన్నీ కలిపి చూస్తే నిజంగా ఇది సహజ మరణం కాదని అనిపించింది,” అని వెల్లడించింది. ఇక సుశాంత్ కెరీర్ గురించి మాట్లాడుతూ, శ్వేతా ఆవేదన వ్యక్తం చేసింది. “నా తమ్ముడు తన కెరీర్‌లో అద్భుతమైన స్థాయికి చేరుకుంటున్న సమయంలో, కొందరు అసూయతో, ద్వేషంతో, రాజకీయంగా లేదా వృత్తి పరంగా దెబ్బతీయాలని చూశారు. 2020 మార్చి తర్వాత అతను పెద్దగా కనిపించలేదు. ఆ సమయంలో నాకు కొన్ని ఫోన్ కాల్స్ కూడా వచ్చాయి — ‘సుశాంత్ సురక్షితంగా లేడు’ అని. కానీ ఆ సమయంలో మేము వాటిని నమ్మలేకపోయాం. ఇప్పుడు ఆలోచిస్తే, అవన్నీ ఏదో ప్రణాళికాబద్ధంగా జరిగాయని అనిపిస్తుంది,” అని ఆమె చెప్పింది.
అంతేకాదు, సుశాంత్ మాజీ గర్ల్‌ఫ్రెండ్ రియా చక్రవర్తి గురించి కూడా శ్వేతా స్పందించింది. ఆమె వివరించిందేమిటంటే — “ఒకసారి రియా తన ఇన్‌స్టాగ్రామ్‌లో ఒక విచిత్రమైన పోస్ట్ పెట్టింది. ఆ పోస్ట్‌లో ‘నువ్వు చాలా వేగంగా ఎగురుతున్నావ్, నీ రెక్కలు కత్తిరించాల్సిందే’ అనే భావంతో ఒక కోట్‌ షేర్ చేసింది. ఆ పోస్టును సుశాంత్ స్వయంగా లైక్ చేశాడు. అది నాకు చాలా వింతగా, విచిత్రంగా అనిపించింది. ఆ సమయంలోనే ఏదో అసహజం జరుగుతోందనే ఫీలింగ్ వచ్చింది,” అని తెలిపింది.ఇక దేశవ్యాప్తంగా సుశాంత్ మరణం అనంతరం ఏర్పడిన పరిస్థితులు, అభిమానుల ఆవేదన, సోషల్ మీడియా దుమారం అన్నీ ఒక చరిత్రే. దేశంలోని ప్రతి యువకుడు ఆ ఘటనతో షాక్‌కు గురయ్యాడు. బాలీవుడ్‌లో ఉన్న అనేక మంది కూడా సుశాంత్‌కి న్యాయం జరగాలని డిమాండ్ చేశారు. కానీ సంవత్సరాలు గడిచినా, నిజమైన కారణం ఇంకా వెలుగులోకి రాలేదు. చివరగా శ్వేతా చెప్పిన మాటలు – “ఈ ఘటన కేవలం ఒక ఆత్మహత్య కాదు. ఇది ప్లాన్ చేసిన హత్య. నిజం ఎప్పటికైనా బయటకు వస్తుంది. నా తమ్ముడు సుశాంత్ ఆత్మ శాంతి కోసం నేను చివరిదాకా పోరాటం చేస్తాను,” అని పేర్కొంది.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి