ഉത്തരവാദിത്ത ടൂറിസത്തെ പുകഴ്ത്തി ന്യൂ യോർക്ക് ടൈംസ്! ഈ വർഷം കണ്ടിരിക്കേണ്ട 52 സ്ഥലങ്ങളുടെ പട്ടികയിലാണ് കേരളത്തെ പ്രമുഖ യുഎസ് മാധ്യമമായ ന്യൂയോർക്ക് ടൈംസ് ഉൾപ്പെടുത്തിയിരിക്കുന്നത്. ഇന്ത്യയിലെ മറ്റൊരു സ്ഥലവും പട്ടികയിലില്ല. ഈ വർഷം കണ്ടിരിക്കേണ്ട 52 സ്ഥലങ്ങളുടെ പട്ടികയിലാണ് കേരളത്തെ പ്രമുഖ യുഎസ് മാധ്യമമായ ന്യൂയോർക്ക് ടൈംസ് ഉൾപ്പെടുത്തിയിരിക്കുന്നത്. ഇന്ത്യയിലെ മറ്റൊരു സ്ഥലവും പട്ടികയിലില്ല. കേരള ടൂറിസം വകുപ്പ് നടപ്പാക്കുന്ന വില്ലേജ് ടൂറിസം പദ്ധതിയെ പേരെടുത്ത് പറഞ്ഞാണ് ന്യൂയോർക്ക് ടൈംസിൻ്റെ പട്ടിക. പ്രാദേശികജനവിഭാഗങ്ങൾക്ക് പ്രയോജനപ്പെടാത്തത തരത്തിൽ ടൂറിസം നടപ്പാക്കുന്ന നിരവധി ഇടങ്ങളുണ്ടെന്നും എന്നാൽ കേരളം അങ്ങനെയല്ലെന്നുമാണ് റിപ്പോർട്ടിൽ പറയുന്നത്.
"കടൽത്തീരങ്ങൾക്കും കായലുകൾക്കും വൈക്കത്തഷ്ടമി പോലുള്ള ഉത്സവങ്ങൾക്കും പേരുകേട്ട കേരളത്തിൽ സർക്കാർ പുതിയൊരു രീതി സ്വീകരിച്ചിരിക്കുന്നു. സന്ദർശകരെ ഗ്രാമീണജീവിതം അനുഭവിച്ചറിയാൻ അനുവദിക്കുമ്പോൾ അതിഥേയത്വം വഹിക്കുന്ന പ്രാദേശിക ജനവിഭാഗങ്ങൾക്ക് പിന്തുണയും ലഭിക്കുന്നു." റിപ്പോർട്ടിൽ വ്യക്തമാക്കുന്നു. കൊവിഡ് 19 മഹാമാരിയ്ക്കു ശേഷം സംസ്ഥാനത്തേയ്ക്ക് അന്താരാഷ്ട്ര ടൂറിസ്റ്റുകളുടെയും ആഭ്യന്തര സഞ്ചാരികളുടെയും ഒഴുക്ക് തുടരുന്നതിനിടയിലാണ് പുതിയ നേട്ടം. കൊവിഡാനന്തര ടൂറിസം രംഗത്തിന് അന്താരാഷ്ട്രതലത്തിൽ ലഭിച്ച അംഗീകാരമാണ് ന്യൂയോർക്ക് ടൈംസിൻ്റെ പരാമർശം എന്നായിരുന്നു ടൂറിസം മന്ത്രി മുഹമ്മദ് റിയാസിൻ്റെ പ്രതികരണം. ഇത് വിദേശസഞ്ചാരികളുടെ വരവ് വർധിപ്പിക്കാൻ സഹായിക്കുമെന്നും അദ്ദേഹം കൂട്ടിച്ചേർത്തു.
സംസ്ഥാനത്തെ ഉത്തരവാദിത്ത ടൂറിസം കേന്ദ്രങ്ങളിലൊന്നായ കുമരകത്തെ വെബ്സൈറ്റിൽ പേരെടുത്ത് പരാമർശിക്കുന്നുണ്ട്. കനാലുകളിലൂടെ വഞ്ചി തുഴഞ്ഞു സഞ്ചരിക്കാനും കയർ പിരിക്കാനും തെങ്ങിൽ കയറാനും ഇവിടെ അവസരമുണ്ട്. മറവൻതുരുത്തിലെ ഗ്രാമീണപാതകളിലൂടെ സഞ്ചരിക്കാനും ക്ഷേത്രത്തിലെ കലാരൂപങ്ങൾ ആസ്വദിക്കാനുമുള്ള അവസരത്തെപ്പറ്റിയും റിപ്പോർട്ടിൽ പരാമർശിക്കുന്നു."ഒരു ടൂറിസ്റ്റ് കേന്ദ്രത്തെ ആ നാട്ടിലെ ജനങ്ങൾക്കു നന്നായി ജീവിക്കാൻ കഴിയുന്ന തരത്തിൽ നിലനിർത്തിക്കൊണ്ടുതന്നെ, സഞ്ചാരികൾക്ക് എത്താനും, താമസിക്കാനും,ആസ്വദിക്കാനും കഴിയുന്ന കേന്ദ്രമാക്കി മാറ്റുക എന്നതാണ് ഉത്തരവാദിത്ത ടൂറിസമെന്നതിന്റെ ലളിതമായ വ്യാഖ്യാനം" എന്നാണ് കേരള ടൂറിസം വെബ്സൈറ്റിൽ സർക്കാർ വിശദീകരിക്കുന്നത്. ടൂറിസം വഴിയുള്ള വരുമാനത്തിൻ്റെ വലിയൊരു പങ്ക് ജനങ്ങൾക്ക് ലഭ്യമാക്കുന്നതോടൊപ്പം പ്രദേശത്തെ കലാസാംസ്കാരിക പൈതൃകം സംരക്ഷിക്കാനും പ്രാദേശിക സമൂഹത്തിനു മേലുള്ള ആഘാതം കുറയ്ക്കാനുമാണ് സർക്കാർ ഉത്തരവാദിത്ത ടൂറിസം ആവിഷ്കരിച്ചത്.
ഇന്ത്യയിൽ തന്നെ ആദ്യമായി ഉത്തരവാദിത്ത ടൂറിസം നടപ്പാക്കിയ സംസ്ഥാനം കൂടിയാണ് കേരളം. ടൂറിസത്തിൻ്റെ ദൂഷ്യഫലങ്ങൾ പരമാവധി കുറയ്ക്കാനും പൊതുസമൂഹത്തെക്കൂടി ടൂറിസം വഴിയുള്ള വളർച്ചയുടെ ഭാഗമാക്കാനുമായി ആവിഷ്കരിച്ച പദ്ധതിയാണ് ഉത്തരവാദിത്ത ടൂറിസം. കഴിഞ്ഞ ഏതാനും വർഷമായി സംസ്ഥാനത്തിൻ്റെ ഔദ്യോഗിക ടൂറിസം നയമാണ് ഉത്തരവാദിത്ത ടൂറിസം.ലോകത്തു തന്നെ ഏറ്റവും പ്രയോജനപ്രദമെന്നു കണ്ട് നടപ്പാക്കുന്ന ടൂറിസം പദ്ധതിയാണ് ഉത്തരവാദിത്ത ടൂറിസമെന്നും തദ്ദേശീയർക്കും ടൂറിസ്റ്റുകൾക്കും ഇടയിലെ കണ്ണിയായി തദ്ദേശസ്ഥാപനങ്ങൾ മാറണമെന്നുമാണ് ടൂറിസം വെബ്സൈറ്റിൽ പറയുന്നത്. അതേസമയം, കേരളത്തിൽ നടപ്പാക്കുന്ന ഉത്തരവാദിത്ത ടൂറിസം പദ്ധതിയ്ക്ക് അന്താരാഷ്ട്ര മാധ്യമത്തിൻ്റെ അംഗീകാരം ലഭിച്ചത് ടൂറിസം വകുപ്പിനും മുതൽക്കൂട്ടാകും.
Find out more:
click and follow Indiaherald WhatsApp channel