ജപ്പാൻ യാത്ര: അഞ്ച് മണിക്കൂറിനൊടുവിൽ എഡിറ്റ് ചെയ്ത വീഡിയോ അപ്ലോഡ് ചെയ്തു അഹാന കൃഷ്ണ! ഹൻസികയ്ക്കും ഇഷാനിക്കും ശേഷമായി അഹാനയും ജപ്പാൻ വീഡിയോയുമായി എത്തിയിരിക്കുകയാണ്. ഒന്നും അറിയാതെയായിരുന്നു ഈ സ്ഥലത്തേക്ക് വന്നത്. ഇത് ആദ്യത്തെ ട്രിപ്പാണ്, അവസാനത്തെയൊന്നുമല്ല എന്ന് ഞാൻ എന്നോട് തന്നെ പറഞ്ഞാണ് ഇങ്ങോട്ടേക്ക് വന്നത്. അടുത്തിടെയായിരുന്നു അഹാനയും സഹോദരിമാരും അമ്മയും ജപ്പാനിലേക്ക് പോയത്. ഇൻസ്റ്റഗ്രാമിലും യൂട്യൂബ് ചാനലിലൂടെയുമായി മറ്റുള്ളവരെല്ലാം വിശേഷങ്ങൾ പങ്കുവെക്കുന്നുണ്ടായിരുന്നു. അഹാനയുടെ വീഡിയോ കാണാനായി കാത്തിരിക്കുകയാണ് ഞങ്ങൾ എന്നായിരുന്നു ആരാധകർ പറഞ്ഞത്.
ഞാനും അതെ എന്നായിരുന്നു സിന്ധു കൃഷ്ണയുടെ മറുപടി.ഇഷ്ടപ്പെട്ട കാര്യങ്ങളെല്ലാം ചെയ്യണമെന്ന് മനസിലുണ്ടായിരുന്നു. ഫുഡ് കഴിക്കുമ്പോഴെല്ലാം അതേക്കുറിച്ച് ഗൂഗിളിൽ നോക്കി മനസിലാക്കുന്നുണ്ടായിരുന്നു അഹാന. ഇടയ്ക്ക് ഓസിയെ വീഡിയോ കോളിൽ വിളിച്ച് വിശേഷങ്ങൾ പങ്കുവെക്കുന്നുണ്ടായിരുന്നു ഇവർ. ചെറി മരങ്ങൾ പൂക്കുന്നത് കാണണമെന്നുണ്ടായിരുന്നു. അതെന്തായാലും ഈ യാത്രയിലൂടെ സഫലമായെന്നും അഹാന പറഞ്ഞിരുന്നു. സിനിമ പോലെ കണ്ടിരിക്കാവുന്നതാണ് അഹാനയുടെ വ്‌ളോഗുകൾ. വിഷ്വലി അത്രയും മനോഹരമാണ്, എഡിറ്റിംഗിലും അപാര കഴിവാണ് താരപുത്രിക്ക് എന്ന് ആരാധകർ നേരത്തെയും അഭിപ്രായപ്പെട്ടിരുന്നു. സഹോദരങ്ങളും അമ്മയുമെല്ലാം ഈ കഴിവിനെക്കുറിച്ച് വാചാലരാവാറുള്ളതുമാണ്. അമ്മുവാണ് എന്നെ ക്യാമറയും എഡിറ്റിംഗും പഠിപ്പിച്ചതെന്ന് സിന്ധു കൃഷ്ണ തുറന്നുപറഞ്ഞിരുന്നു. ഇത്തരം കാര്യങ്ങളിലെ സംശയം ഇപ്പോഴും ചോദിക്കുന്നത് അമ്മുവിനോടാണ്.
ജീവിതത്തിലെ ഏറ്റവും മികച്ച യാത്രകളിലൊന്നാണ് ഇതെന്ന് നിസംശയം പറയാം. എന്റെ കണ്ണിലൂടെ നിങ്ങളെയും ഇതൊക്കെ കാണിക്കാനാവുന്നതിൽ സന്തോഷമുണ്ട്. ഇതിന്റെ ഇംഗ്ലീഷ് സബ് ടൈറ്റിൽസ് പിന്നീട് ആഡ് ചെയ്യുന്നതായിരിക്കുമെന്നുമാണ് അഹാന കുറിച്ചത്. രണ്ട് മണിക്കൂർ ദൈർഘ്യമുള്ള വീഡിയോ ഇതിനകം തന്നെ വൈറലായിക്കഴിഞ്ഞിട്ടുണ്ട്.എന്തെങ്കിലും കാണണമെന്ന് ആഗ്രഹിച്ച് പോയാൽ എന്തെങ്കിലും കാണാതെ വന്ന ചരിത്രമില്ല. ദൈവത്തിന് പ്രിയപ്പെട്ട കുട്ടിയാണ് ഞാൻ. അതുകൊണ്ട് തന്നെ എന്നെ നിരാശപ്പെടുത്താറില്ല. ഈ പ്രാവശ്യവും നിരാശപ്പെടേണ്ടി വരില്ലെന്നും പറയുന്നുണ്ടായിരുന്നു.
കാണുന്ന കാഴ്ചകളിലെയും സ്ഥലത്തെയും പ്രധാനപ്പെട്ട കാര്യങ്ങളെക്കുറിച്ചും അഹാന സംസാരിക്കുന്നുണ്ടായിരുന്നു.സമയമെടുത്താണ് ഞാൻ ഇത് എഡിറ്റ് ചെയ്തത്. ഇതാദ്യമായാണ് ഇത്രയും ദൈർഘ്യമുള്ള വീഡിയോ പോസ്റ്റ് ചെയ്യുന്നത്. എന്തൊക്കെ വെട്ടി മാറ്റണം എന്ന കാര്യത്തിൽ ശരിക്കും ആശയക്കുഴപ്പമുണ്ടായിരുന്നുവെന്നും അഹാന പറഞ്ഞിരുന്നു. അഞ്ച് ദിവസമെടുത്താണ് ഇത് സെറ്റായതെന്നായിരുന്നു കമന്റിന് മറുപടിയായി അഹാന പറഞ്ഞത്. വീഡിയോയുടെ താഴെയുള്ള ചോദ്യങ്ങളിലും , സംശയങ്ങള്ക്കുമെല്ലാം താരപുത്രി മറുപടി നല്കിയിരുന്നു.
Find out more:
click and follow Indiaherald WhatsApp channel