అంతేకాదు ఈ వరల్డ్ కప్ లో లియోనల్ మెస్సి గోల్డెన్ బాల్ అవార్డును కూడా దక్కించుకున్నాడు అని చెప్పాలి. ఇదిలా ఉంటే గత ఏడాది వరల్డ్ కప్ ముగిసింది. ఇక ఇప్పుడు ఆ విషయం గురించి అందరూ మరిచిపోయారు. అయితే ఇలా వరల్డ్ కప్ ముగిసిన 45 రోజుల తర్వాత ఇక వరల్డ్ కప్ లో ఒక విషయంలో తన ప్రవర్తన తనకే నచ్చలేదు అంటూ ఇటీవలే లీయోనల్ మెస్సి స్పందించాడు. నెదర్లాండ్స్ తో జరిగిన క్వార్టర్ ఫైనల్స్ మ్యాచ్ సందర్భంగా డచ్ బాస్ లూయిస్ వన్ గర్ల్ తో పాటు స్ట్రైకర్ వొవుట్ బెగ్గోస్ట్ లను కూడా హేళన చేస్తున్నట్లుగా తన రెండు చేతులను చెవుల మధ్య పెట్టి కోపంగా చూస్తూ ఫోజు ఇచ్చాడు. ఇది కాస్త సంచలనంగా మారిపోయింది.
మెస్సి ఇలా చేశాడేంటి అని అభిమానులు కూడా షాక్ లో మునిగిపోయారు అని చెప్పాలి. అయితే ఇటీవలే ఈ విషయంపై స్పందించాడు మెస్సి.. గేమ్ లో భాగంగా కంట్రోల్ తప్పాను. ఆ సమయంలో అలా వచ్చేసింది. అలా చేయడం నిజంగా తప్పే అంటూ చెప్పుకొచ్చాడు. నేను చేసింది నాకే నచ్చలేదు. అయితే దానిని మనసులో పెట్టుకొని ముందుకెళ్ళడం నాకు సాధ్యం కాదు. అందుకే ఆ రోజే ఏదో అనుకోకుండా జరిగిందని వివరణ ఇచ్చుకున్నాను. మ్యాచ్ అన్నాక హై టెన్షన్ ఉండడం సహజం. ఈ టెన్షన్ లో ఒక్కోసారి మనం సహనం కోల్పోతాం అంటూ మెస్సి క్లారిటీ ఇచ్చాడు..
