కానీ ఒకసారి సినిమా థియేటర్లలోకి రాగానే ఆ నెగిటివిటీ మొత్తం పాజిటివ్‌గా మారిపోయింది. ఎందుకంటే సినిమా కంటెంట్ పూర్తిగా ఒరిజినల్‌గా, అద్భుతమైన నేటివిటీతో, అచ్చమైన రిషబ్ శెట్టి టచ్‌తో రూపొందించబడింది. దాంతో “ఒరిజినల్ కంటెంట్ ఉంటే ఏ సినిమా అయినా హిట్ అవ్వడం ఖాయం” అని మరోసారి ప్రూవ్ చేసింది “కాంతార చాప్టర్ 1”. కేవలం కొద్ది గంటల్లోనే సినిమా చూసిన ప్రేక్షకులు నోరూరిస్తూ రివ్యూలు ఇస్తూ సోషల్ మీడియాలో ట్రెండింగ్ టాపిక్‌గా మార్చేశారు.ఈ చిత్రంలో హైలైట్ చెప్పాలంటే అది పూర్తిగా రిషబ్ శెట్టి డైరెక్షన్. ఆయన చూపించిన విజన్, ప్రతి సీన్‌లోని డిటైల్, అలాగే యాక్షన్ ఎమోషన్స్ మేళవించిన తీరు ప్రేక్షకుల్ని థియేటర్ సీట్లో కట్టిపడేసింది. అంతేకాకుండా, ఆయన నటనకూ ప్రత్యేకంగా ప్రశంసలు లభిస్తున్నాయి. సినిమాలోని కొన్ని డైలాగ్స్ మాత్రం ప్రేక్షకుల హృదయాలను బాగా హత్తుకునేలా రాయబడ్డాయి.
కానీ, ఈ సినిమా సక్సెస్‌కు రిషబ్ శెట్టితో పాటు మరో పెద్ద కారణం ఉంది. ఆమె పేరు రుక్మిణి వసంత్. సినిమా చూసిన ప్రతి ఒక్కరూ రిషబ్ తర్వాత పొగిడేస్తున్న పేరు రుక్మిణిదే అని చెప్పక తప్పదు. ఆమె అందం, ఆమె నటన, ఆమె ఎమోషనల్ ప్రెజెంటేషన్ సినిమా మొత్తానికి మరింత బలం చేకూర్చాయి. ముఖ్యంగా ఆమె పోషించిన పాత్రను ఎక్కడా ఒవర్‌యాక్టింగ్ చేయకుండా, సహజంగా, లోతుగా ప్రదర్శించింది. దాంతో చాలా మంది విమర్శకులు కూడా “ఈ సినిమా రుక్మిణి కెరీర్‌లో ఒక మైలురాయి” అని అభిప్రాయం వ్యక్తం చేస్తున్నారు.రుక్మిణి వసంత్ ఈ సినిమాలో చూపించిన టాలెంట్ చూసి, ఆమెను భవిష్యత్తులో స్టార్ హీరోయిన్స్ లిస్ట్‌లో ఖచ్చితంగా చూడొచ్చని అందరూ అంటున్నారు. ఇప్పటికే సోషల్ మీడియాలో ఆమె పేరు మారుమ్రోగిపోతోంది. “కాంతార చాప్టర్ 1” రిలీజ్ తర్వాత ఆమె ఫాలోయింగ్ గణనీయంగా పెరిగిపోయింది.
ముఖ్యంగా తెలుగు ప్రేక్షకులు కూడా రుక్మిణి నటనపై ఫిదా అవుతున్నారు. కొన్ని సీన్స్, కొన్ని షాట్స్‌లో ఆమె చూపిన నాచురల్ యాక్టింగ్ వేరే లెవెల్‌లో ఉందని కామెంట్స్ చేస్తున్నారు. అంతేకాదు, నందమూరి అభిమానులు కూడా “రాబోయే **ఎన్టీఆర్ ‘డ్రాగన్’ సినిమాలో రుక్మిణి వసంత ఎలాంటి పర్ఫామెన్స్ చూపిస్తుందో చూడాలి.. ఖచ్చితంగా ఆమె మరో లెవెల్‌లో మైండ్‌బ్లోయింగ్‌గా నటిస్తుంది” అని పెద్ద ఎత్తున రియాక్ట్ అవుతున్నారు.మొత్తం మీద, “కాంతారా చాప్టర్ 1” రిషబ్ శెట్టి కెరీర్‌కి మరో మైలురాయి అయితే, రుక్మిణి వసంతకి స్టార్‌డమ్‌కి బిగ్ లాంచ్‌ప్యాడ్‌గా మారిపోయింది. ఈ ఇద్దరి కాంబినేషన్‌తో చేసిన సినిమా కేవలం కన్నడ అభిమానులను మాత్రమే కాకుండా తెలుగు, తమిళ, మలయాళ ప్రేక్షకులను కూడా ఆకట్టుకుంటోంది. రాబోయే రోజుల్లో ఈ సినిమా కలెక్షన్లు ఎక్కడ ఆగుతాయో చూడాలి గానీ, ఈ జంట మాత్రం సౌత్ ఇండస్ట్రీ మొత్తంలో హాట్ టాపిక్‌గా మారిపోయారు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి