దీంతో ఇక తెలుగు ప్రజలందరూ వార్నర్ ని డేవిడ్ బాయ్ అంటూ ప్రేమగా పిలుచుకుంటారు. ఇక ఆ తర్వాత గత ఏడాది లాక్డౌన్ సమయంలో టిక్ టాక్ అనే ఎంటర్టైన్మెంట్ యాప్ ద్వారా తెలుగు ప్రజలకు మరింత దగ్గరయ్యాడు డేవిడ్ వార్నర్. టిక్ టాక్ యాప్ ద్వారా తెలుగు హీరోల సినిమాల్లోని పాటలకు డాన్స్ పర్ఫార్మెన్స్ లు చేసి అదరగొట్టాడు. కేవలం తెలుగు హీరోలు మాత్రమే కాదు బాలీవుడ్ హీరోల సినిమాల పాటలకు కూడా డాన్స్ చేసాడు. ఇలా టిక్ టాక్ ద్వారా భారత క్రికెట్ ప్రేక్షకులకు బాగా దగ్గరయ్యాడు డేవిడ్ వార్నర్.
ఇక ఆస్ట్రేలియా తరఫున ఆడుతున్నప్పటికీ ఇండియా పై తనకున్న ప్రేమను ఎప్పుడు సోషల్ మీడియా వేదికగా వ్యక్తపరుస్తుంటాడు. ఇటీవల మరోసారి భారత్ పై తన ప్రేమను చాటుకున్నాడు డేవిడ్ వార్నర్. తన రెండో ఇల్లు ఇండియా అంటూ తన సోషల్ మీడియా ఖాతా లో పోస్ట్ చేశాడు. ఇక భారతదేశంలో తనకు నచ్చిన ప్రదేశం హైద్రాబాద్ అంటూ తెలిపాడు. అయితే ఇదంతా తెలుగులోనే చెప్పడం గమనార్హం. ఇక అంతే కాకుండా సన్రైజర్స్ హైదరాబాద్ జట్టు కొన్ని పోస్టర్ లను కూడా ఈ పోస్ట్ కి జత చేశాడు డేవిడ్ వార్నర్. ఈ పోస్ట్ కాస్త నెట్టింట్లో తెగ వైరల్ అయిపోతుంది.
