అయితే అటు వెస్టిండీస్ పర్యటనకు వెళ్లిన టీం ఇండియా కు మాత్రం కెప్టెన్సీ బాధ్యతలను అందుకున్నాడు. తన ప్రదర్శన తో కూడా ఆకట్టుకున్నాడు. ఈ క్రమంలోనే శిఖర్ధావన్ కెప్టెన్సీలో బరిలోకి దిగిన టీమిండియా జట్టు వరుసగా రెండు వన్డే మ్యాచ్లలో విజయం సాధించి ఒక మ్యాచ్ మిగిలి ఉండగానే సిరీస్ కైవసం చేసుకుంది. ఈ క్రమంలోనే శిఖర్ ధావన్ ప్రదర్శన పై అందరూ సంతృప్తిగానే ఉన్నారు అని చెప్పాలి. ఇలాంటి సమయంలో టీమిండియా మాజీ క్రికెటర్ అజయ్ జడేజా స్పందిస్తూ ఆసక్తికర వ్యాఖ్యలు చేశాడు.
శిఖర్ ధావన్ విషయంలో నేను చాలా అయోమయం లో ఉన్నాను. అతనికి టీమిండియాలో చోటు ఎలా దక్కిందో కూడా ఇప్పటికీ అర్థం కావడం లేదు అంటూ అజయ్ జడేజా షాకింగ్ కామెంట్స్ చేశాడు. ఆరు నెలల ముందు అతని జట్టు నుంచి తీసేసారు. శిఖర్ ధావన్ కంటే కె.ఎల్.రాహుల్ ఓపెనర్ గా బెటర్ అని ఫిక్స్ అయ్యారు. ఇప్పుడు సడన్గా శిఖర్ధావన్ ని పిలిచి మళ్ళి కెప్టెన్సీ అప్పగించారు. ఇలా ఒకసారి తప్పించి ఒకసారి ఆడించి అతనితో ఎందుకు ప్రయోగాలు చేస్తున్నారో అర్థం కావడం లేదు అంటూ అజయ్ వ్యాఖ్యానించాడు. కేఎల్ రాహుల్ ఎంట్రీ ఇస్తే శిఖర్ ధావన్ కు చోటు దొరకడం కష్టమే అంటూ కామెంట్ చేశాడు.