టీమ్‌ ఇండియా మాజీ క్రికెటర్ గౌతమ్ గంభీర్ హెడ్ కోచ్‌గా బాధ్యతలు చేపట్టిన తరువాత భారత టెస్ట్ క్రికెట్ చరిత్రలో అనేక చేదు రికార్డులు నమోదయ్యాయి. టీమిండియా విజయాలను సాధించడంలో విఫలమవుతూ పలుచోట్ల నిరాశపరిచిన ఫలితాలు నమోదవుతున్నాయి. ఇందులో కొన్ని మాత్రం భారత క్రికెట్ చరిత్రలో ఇప్పటివరకు ఎన్నడూ జరగనివిగా ఉండడం మరింత నిరాశను కలిగిస్తోంది.
భారత్ లో జరిగిన న్యూజిలాండ్‌తో సొంతగడ్డపై జరిగిన టెస్టు సిరీస్‌లో భారత జట్టు పరాజయం పాలవడం ఎంతో అనూహ్యమైన పరిణామంగా మారింది. ఈ ఓటమి ద్వారా 36 ఏళ్ల తర్వాత స్వదేశంలో న్యూజిలాండ్‌తో జరిగిన టెస్టులో భారత్ ఓడింది. అంతేకాదు, 19 ఏళ్ల తర్వాత బెంగళూరులోని చిన్నస్వామి స్టేడియంలో భారత్ టెస్టు ఓటమిని చవిచూసింది. ఇది ఒక్కటే కాకుండా, సొంతగడ్డపై న్యూజిలాండ్ చేతిలో తొలిసారి టెస్టు సిరీస్ ఓటమి కూడా ఇది కావడం గమనార్హం.
భారత్ జట్టు మరో చెత్త రికార్డును కూడా అందిపుచ్చుకుంది. ఇతివరకూ ఎన్నడూ జరగని విధంగా తొలిసారిగా స్వదేశంలో టెస్టు సిరీస్ వైట్ వాష్ (0-3) అయ్యింది. ఇది భారత టెస్ట్ చరిత్రలో కలకలం రేపే పరిణామంగా చెప్పవచ్చు. ఈ పరాజయాలతో పాటు, భారత్ తొలిసారి వరల్డ్ టెస్ట్ ఛాంపియన్‌షిప్ (WTC) ఫైనల్‌కు కూడా అర్హత పొందలేకపోయింది. ఇది టెస్ట్ క్రికెట్ పరంగా భారత్‌కి పెద్ద దెబ్బే.
ఇదిలా ఉండగా, భారత్ జట్టు ఈ సిరీస్‌లో ఐదు సెంచరీలు చేసినా కూడా టెస్టు ఓటమిని చవిచూసింది, ఇది కూడా ప్రపంచ క్రికెట్‌లో అరుదైన ఘటనే. అంతేగాక, 350+ పరుగుల లక్ష్యాన్ని కాపాడుకోలేకపోవడం భారత టెస్ట్ చరిత్రలో కేవలం రెండోసారి మాత్రమే చోటు చేసుకుంది, గత 92 ఏళ్లలో ఇది మరోసారి మాత్రమే జరిగింది. ఈ వరుస పరాజయాలు, చెత్త రికార్డులతో భారత టెస్ట్ జట్టు ఫారమ్‌పై, గంభీర్ కోచింగ్‌పై తీవ్ర విమర్శలు వస్తున్నాయి. అభిమానులు, విశ్లేషకులు జట్టులో మార్పులు అవసరమని కోరుతున్నారు. గంభీర్ నాయకత్వంలో టీమిండియా తన స్థాయి ప్రదర్శనను తిరిగి పొందగలదా అన్నదే ఇప్పుడు ప్రధాన ప్రశ్నగా మారింది.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి