అనుకున్న ప్రకారమే టేకాఫ్ తో పాటు... గాల్లో అన్ని పరీక్షలు పూర్తి చేసుకున్న విమానం... ల్యాండింగ్ సమయంలో మాత్రం ఇంజిన్ లో సాంకేతిక సమస్య తలెత్తింది. అంతే ఒక్కసారిగా ఇంజిన్ లో మంటలు చెలరేగాయి. మంటలతోనే గాల్లో ప్రయాణం చేసిన విమానం... ఆ తర్వాత తల్లకిందులై కిందపడిపోయింది. ఈ ఘటనలో ఇద్దరు పైలెట్లు సహా ఫ్లైట్ ఇంజినీర్ కూడా మృతి చెందినట్లు అధికారికంగా ప్రకటించారు. ఈ ప్రమాదానికి సంబంధించి వీడియోను ప్రస్తుతం సోషల్ మీడియాలో వైరల్ గా మారింది. ఈ ఘటనపై అధికారులు పూర్తిస్థాయిలో దర్యాప్తు చేస్తున్నారు. రష్యా ఎయిర్ ట్రాఫిక్ అథారిటీ అధికారులు ఈ కేసును ప్రత్యేకంగా పరిగణించారు. మిలటరీ సిబ్బంది, పరికరాలు, ఆయుధాల రవాణా కోసం ఇల్యూషిన్ అనే సంస్థ ఈ విమానాన్ని తయారు చేసి... రష్యన్ కు ఎయిర్ ఫోర్స్ కు అందించింది. ఈ నెలాఖరులో జరిగే ఆర్మీ-2021 కార్యక్రమంలో ఈ కొత్త విమానాన్ని ఆవిష్కరించనున్నారు. ఈ విమానాన్ని పరిక్షించి పరిశీలిస్తున్న సమయంలోనే ప్రమాదం జరిగింది. ఈ ప్రమాదంపై రష్యన్ మిలటరీ అధికారులు తీవ్ర దిగ్భాంత్రి వ్యక్తం చేశారు. అటు ప్రభుత్వం కూడా ప్రమాదంపై లోతైన దర్యాప్తు కోసం ఆదేశించింది.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి