టెక్నాలజీ: ప్రస్తుత జనరేషన్ లో సాంకేతికత ఎంత అభివృద్ధి చెందిందో వృద్ధి చెందుతోందో తెలిసిందే. ఇలాంటి ఫాస్ట్ జనరేషన్ లో కాలంతో పాటు పరుగులు తీయాలి అంటే టెక్నాలజీ గురించి అవగాహన పెంచుకుని దాన్ని అందిపుచ్చుకొని వినియోగించుకోవాల్సిందే. అయితే ఆ టెక్నాలజీ మీ పనికి ఏ విధంగా ఉపయోగ పడుతుందో తెలుసుకుని అలా వినియోగించుకోవాలి.
నేర్చుకోవడం: ఏ మనిషైనా జీవితంలో ఎదగాలి అంటే నిరంతరం ఎదో ఒకటి నేర్చుకుంటూ ఉండాలి. కొత్త విషయాలపై అవగాహన పెంచుకుంటూనే ఉండాలి. అప్పుడే అనుకున్న లక్ష్యాన్ని త్వరగా చేరుకోగలము. నేర్చుకోవడం ఒక్కటే కాదు, నేర్చుకున్న విషయాలను తరచూ ప్రాక్టీస్ చేయాలి. మీకు మీరే చెక్ చేసుకుంటూ ఉండాలి. అప్పుడే అవి సరైన సమయంలో ఏ విధంగా ఉపయోగపడుతాయో అర్ధమవుతుంది.
జ్ఞానం: ఎదగాలి అంటే ఆ అంశంపై మనకు బాగా నాలెడ్జ్ ఉండాలి. మనం చేస్తున్న వృత్తి పట్ల పూర్తి అవగాహన కలిగి ఉండాలి. ఆ పని పట్ల జ్ఞానాన్ని పెంచుకోవాలి. అలాగే పొందిన జ్ఞానాన్ని చుట్టూ ఉన్న వారికి పంచగలగాలి. ఒకవేళ అది వ్యాపారం అయితే ఆ బిజినెస్ కి సంబందించి మెళుకువలు, అలాగే మార్కెట్లో దాని డిమాండ్ వంటి విషయాల పట్ల అవగాహన పెంపొందించుకోవాలి.
