కాగా.. నందమూరి ఫ్యామిలీ అనే ట్యాగ్. తాతకు సరిసమానమైన నటన. ఇవన్నీ అతడి సొంతం. అతడికి ఎప్పుడూ దానితో అవసరం రాలేదు. వెండితెరపై నటుడిగా రాణించాలనే లక్ష్యంతో ఓ సాధారణ వ్యక్తిగా ఇండస్ట్రీలోకి అడుగుపెట్టాడు. అతడే జూనియర్ నందమూరి తారక రామారావు. అవకాశాల కోసం అందరిలానే దర్శక, నిర్మాతలను కలుస్తూ రేయింబవళ్లు నిద్రాహారాలు లేకుండా శ్రమించాడు. అందివచ్చిన ప్రతీ అవకాశాన్ని అందిపుచ్చుకుని అంచెలంచెలుగా ఎదిగాడు. ఆ క్రమంలో సినిమా సినిమాకు తన రేంజ్‌ను పెంచుకొంటూ స్టార్ హీరోగా, యంగ్ టైగర్‌గా ఎదిగాడు.
ఇండస్ట్రీలో ఎన్టీఆర్‌కు వ్యతిరేకులు, ప్రత్యర్థులు అంటూ ఎవరూ లేరు. ఏ హీరోతోనూ పోటీ పడడు యంగ్ టైగర్. తన సినిమాలు తాను చేసుకుంటూ హుందాతనంతో కూడిన అణకువతో వెళ్లిపోతుంటాడు. అందుకే ఎన్టీఆర్ అంటే అభిమానులకు అంత ఇష్టం. అభిమానులకే కాదు తోటి సెలబ్రిటీలు కూడా ఎన్టీఆర్‌ను ఓ నటుడిగా, స్నేహితుడిగా ఎంతగానో గౌరవిస్తారు.
ఇదిలా ఉంటే ఎన్టీఆర్ ప్రస్తుతం ఆర్ఆర్ఆర్ చిత్రంతో త్వరలోనే ప్రేక్షకుల ముందుకు రానున్నారు. త్రివిక్రమ్‌ శ్రీనివాస్‌తో ఓ ప్రాజెక్ట్(అయిననూ హస్తినకు పోయి రావలె), అలాగే కేజీఎఫ్ డైరెక్టర్ ప్రశాంత్ నీల్ దర్శకత్వంలో చిత్రాలు చేస్తున్నారనే వార్తలు వస్తున్నాయి.అయితే గతేడాదిలానే ఈ ఏడాది కూడా కరోనా కారణంగా ఎన్టీఆర్ బర్త్ డే సెలబ్రేషన్స్‌కు దూరంగా ఉంటున్నాడు. అభిమానులను కూడా సెలబ్రేషన్స్ కోసం డబ్బులు ఖర్చు చేయవద్దని, కష్టాల్లో ఉన్న వారికి సాయం చేయమని సూచించాడు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి