കൊച്ചുകുട്ടിയുടെ സ്വഭാവമായിരുന്നു അവൾക്ക്' മയൂരിയുടെ മരണവും സംഗീതയുടെ വാക്കുകളും! ഇപ്പോഴും ആരാധകർക്കും സുഹൃത്തുക്കൾക്കും ആലോചിക്കുമ്പോൾ തന്നെ ഒരു ഞെട്ടലാണ് നടി മയൂരിയുടെ മരണം. ആകാശഗംഗ, സമ്മർ ഇൻ ബത്ലേഹേം, പ്രേം പൂജാരി, അരയന്നങ്ങളുടെ വീട്. ചന്ദമാമാ തുടങ്ങിയ സിനിമകളിലൂടെ മയൂരി മലയാള സിനിമയിലും തൻ്റെ വ്യക്തിമുദ്ര പതിപ്പിച്ചിരുന്നു. കൂടാതെ മന്മഥൻ, കനാകണ്ടേൻ, വിസിൽ, റെയിൻബോ തുടങ്ങിയ തമിഴ് സിനിമകളിലും മയൂരി തകർപ്പൻ പ്രകടനം കാഴ്ചവെച്ചു. തുടർന്ന് 2005 ജൂൺ 16 നായിരുന്നു മയൂരിയുടെ മരണം .ഇപ്പോഴും അവരുടെ മരണവാർത്ത ഉൾക്കൊള്ളാൻ ചില സുഹൃത്തുക്കൾക്ക് കഴിഞ്ഞിട്ടില്ല.
മറ്റൊരു മരണവാർഷികം കൂടി കടന്നുവരുമ്പോൾ മയൂരിയെ കുറിച്ച് അവരുടെ ഉറ്റ സ്നേഹിത സംഗീത പറഞ്ഞവാക്കുകൾ ആണ് വൈറൽ ആകുന്നത്. തെന്നിന്ത്യൻ സിനിമാലോകത്ത് ഒരു താരം തന്നെ ആയിരുന്നു മയൂരി. സിനിമയിൽ തിളങ്ങി നിൽക്കുമ്പോൾ ആയിരുന്നു സിനിമാ ലോകത്തേയും ആരാധകരേയും ഞെട്ടിച്ച് കൊണ്ട് 2005 ൽ മയൂരി ഈ ലോകത്തോട് വിട പറഞ്ഞത്. വെറും 22 വയസ്സായിരുന്നു അന്ന് മയൂരിയുടെ പ്രായം.22-ാംമത്തെ വയസ്സിലാണ് മയൂരി ജീവനൊടുക്കിയത്.തന്റെ മരണത്തിൽ മറ്റാരും ഉത്തരവാദികളല്ലെന്നും ജീവിതത്തിലുളള പ്രതീക്ഷ നഷ്ടപ്പെട്ടതിനാൽ ആണ് ആത്മഹത്യയെക്കുറിച്ച് ചിന്തിച്ചതെന്നും മയൂരി ആത്മഹത്യക്കുറിപ്പിൽ പറഞ്ഞതായി റിപ്പോർട്ടുണ്ട് .
അതേസമയം വിടപറയുന്നതിന് കുറേ ദിവസങ്ങൾക്ക് മുമ്പ് വയറുവേദനയെ തുടർന്ന് മയൂരി മരുന്നുകൾ കഴിക്കുമായിരുന്നെന്ന് ബന്ധുക്കളും അന്ന് സൂചന നൽകിയിരുന്നു. മയൂരിയുടെ മരണ ശേഷം നടി സംഗീത പങ്കിട്ട വാക്കുകൾ വീണ്ടും സമൂഹ മാധ്യമങ്ങളിൽ വൈറൽ ആവുകയാണ് ഇപ്പോൾ. വ്യക്തി ജീവിതവും സിനിമാജീവിതവും ഒരുമിച്ചു കൊണ്ടുപോവാൻ പ്രത്യേക വൈഭവം വേണം, ആ കഴിവ് മയൂരിക്ക് ഇല്ലായിരുന്നുവെന്നാണ് സംഗീത പറഞ്ഞത്.ഉയരത്തിലേക്കുള്ള പടവുകൾ ഓരോന്നായി കയറുന്നതിന്റെ ഇടയിൽ മയൂരി എന്തിനിത് ചെയ്തു എന്ന സംശയത്തിൽ ആണ് ഇന്നും പ്രേക്ഷകരും അവരുടെ സുഹൃത്തുക്കളും.
മയൂരിക്കൊപ്പം സമ്മർ ഇൻ ബത്ലേഹേം എന്ന മലയാള ചിത്രത്തിൽ സംഗീത ഒരുമിച്ച് അഭിനയിച്ചിരുന്നു. സെറ്റിൽ ഞങ്ങൾ രണ്ടുപേരും ഒരുമിച്ചായിരുന്നെന്ന് സംഗീത കൗമുദിക്ക് നൽകിയ അഭിമുഖത്തിൽ ആണ് പറഞ്ഞത്.മയൂരി ഒരു പൊട്ടിപ്പെണ്ണായിരുന്നു, അവൾ തന്നേക്കാൾ മൂന്ന് വയസ്സിന് ഇളയതായിരുന്നു എന്നും അഭിമുഖത്തിൽ സംഗീത പറഞ്ഞിരുന്നു. ഷൂട്ടിങ്ങിന് ശേഷം റൂമിലേക്ക് എത്തിയാൽ കളിപ്പാട്ടങ്ങൾക്കൊപ്പമായിരിക്കുമെന്നും സംഗീത പറഞ്ഞ അഭിമുഖം ഇപ്പോൾ വൈറലാണ്.എങ്ങനെയാണ് മുടി കെട്ടേണ്ടത് എന്ന് പോലും അവൾക്ക് അറിയില്ലായിരുന്നു. അതിനൊക്കെ അവൾ തന്നോട് ചോദിക്കുമായിരുന്നു, അതിന് ശേഷമാണ് മുടി കെട്ടുക പോലും ചെയ്തിരുന്നത്.കൽക്കത്തയിലാണ് 1983 ൽ നടിയുടെ ജനനം. ഡിഗ്രിക്ക് പഠിക്കുമ്പോഴാണ് ആദ്യ സിനിമയായ സർവ്വഭൗമയിൽ ശാലിനി എന്ന മയൂരി അഭിനയിച്ചത്. വിനയൻ ഒരുക്കിയ ഹൊറർ മൂവി ആകാശഗംഗയിലൂടെയാണ് മയൂരി മലയാളികൾക്ക് ഏറെ സുപരിചിതയായി മാറിയത്. മലയാളത്തിന് പുറമേ തമിഴ് സിനിമകളിലും തിളങ്ങിയ മയൂരിക്ക് ആരാധകരും ഏറെയായിരുന്നു.
Find out more:
click and follow Indiaherald WhatsApp channel