* ఇది వాస్తవంగా మధురై నగరంలో జరిగిన కథ ఆధారంగా చేసుకుని తెరకెక్కించిన సినిమా కావడం విశేషం. ఈ చిత్ర దర్శకుడు బాలాజీ శక్తివేల్ ట్రైన్ జర్నీ లో కలిసిన ఒక వ్యక్తి చెప్పిన కథే ఈ ప్రేమిస్తే. అతనెవరో కాదు ఆ కథలోని అమ్మాయి భర్త. ఇదే కథను మన కళ్ళ ముందు కదలాడేలా చిత్రీకరించి ఘనవిజయాన్ని సొంతం చేసుకున్నాడు.
* ఇందులో ప్రధాన పాత్రలలో నటించి ప్రేక్షకులను కంట తడి పెట్టించిన హీరోయిన్ సంధ్యకు ఇదే మొదటి సినిమా.
* ఈ సినిమాలో హీరో పాత్రకు మొదటగా ధనుష్, సంతాన్ భాగ్యరాజ్ లను అడుగగా వారు ఈ కథకు ఒప్పుకోలేదు. ప్రస్తుతం తెలుగు సినిమా పరిశ్రమలో ఒక రేంజ్ లో ఉన్న హీరో రామ్ పోతినేనిని కూడా ఈ హీరో పాత్ర కోసం ఆడిషన్ చేశారంటే నమ్మగలరా ? చివరికి అప్పటికే బాయ్స్ సినిమాలో నటించి మంచి జోష్ లో ఉన్న భరత్ ను హీరోగా ఎంపిక చేశారు.
* ఈ సినిమాను కేవలం 1.25 కోట్ల రూపాయల బడ్జెట్ తో నిర్మించగా, ఒక్క చెన్నై నుండి పెట్టిన పెట్టుబడిని కలెక్ట్ చేసింది ఇక తెలుగు డబ్బింగ్ మరియు ఇతర బాషల రీమేక్ హక్కులపై వచ్చిన ఆదాయంతో చూసుకుంటే నిర్మాతలకు మంచి లాభాల్నే తెచ్చి పెట్టింది.
* ఈ సినిమా డైరెక్టర్ బాలాజీ శక్తివేల్ కి ఇది రెండో సినిమా కావడం విశేషం. మొదటి సినిమాను చియాన్ విక్రమ్ హీరోగా సమురాయ్ తీశాడు. కానీ ఈ చిత్రం యావరేజ్ టాక్ ను సొంతం చేసుకుంది. ప్రేమిస్తే సినిమాతో మొదటి హిట్ కొట్టాడు.
* మెగాస్టార్ చిరంజీవి పుట్టినరోజు కానుకగా ఈ సినిమా తెలుగు డబ్బింగ్ ప్రారంభం చేయడం జరిగింది. మరియు అక్కినేని నాగార్జున పుట్టినరోజు కానుకగా తెలుగు పాటల రికార్డింగ్ ను స్టార్ట్ చేయడం జరిగింది.