ആടുജീവിതം പൂർത്തിയാക്കി തിരിച്ചെത്തിയ പൃഥ്വിരാജിനെ ചേർത്തുപിടിച്ച് മോഹൻലാൽ! കഴിഞ്ഞ ദിവസമായിരുന്നു അദ്ദേഹം തിരിച്ചെത്തിയത്. സോറോയ്‌ക്കൊപ്പമുള്ള ഫോട്ടോയായിരുന്നു ആദ്യം സുപ്രിയ പങ്കുവെച്ചത്. 3 മാസത്തിന് ശേഷമായാണ് പൃഥ്വി സോറോയെ കാണുന്നതെന്നും സുപ്രിയ കുറിച്ചിരുന്നു. മോഹൻലാലിനൊപ്പമുള്ള ഫോട്ടോയുമായാണ് പൃഥ്വി പങ്കിട്ടത്. ബാക്ക് ഹോം എന്ന ക്യാപ്ഷനോടെയായാണ് മോഹൻലാലിനെ കെട്ടിപ്പിടിച്ച് നിൽക്കുന്ന ചിത്രം പങ്കുവെച്ചത്. സുപ്രിയയാണ് ചിത്രം പകർത്തിയതെന്നും അദ്ദേഹം വ്യക്തമാക്കിയിട്ടുണ്ട്. ആടുജീവിതം ജോർദാൻ ഷെഡ്യൂളിന് ശേഷമായി കൊച്ചിയിലേക്ക് തിരിച്ചെത്തിയിരിക്കുകയാണ് പൃഥ്വിരാജ്. ഹോം കമിങ് എന്ന ക്യാപ്ഷനോടെയായാണ് മോഹൻലാലിനും സുപ്രിയ്ക്കുമൊപ്പമുള്ള ഫോട്ടോ സുപ്രിയ പങ്കുവെച്ചത്.
ക്ഷണനേരം കൊണ്ടായിരുന്നു ചിത്രം വൈറലായി മാറിയത്. ഒരേ അപ്പാർട്ട്‌മെന്റിൽ താമസിക്കുന്ന മോഹൻലാലും പൃഥ്വിരാജും ഇടയ്ക്കിടയ്ക്ക് കണ്ടുമുട്ടാറുണ്ട്. ചെറുപ്പം മുതലേ തന്നെ മോഹൻലാലിന് പൃഥ്വിയുടെ കുടുംബവുമായി അടുപ്പമുണ്ട്്. കുസൃതിക്കാരനായ ലാലുവിനെ അച്ഛനും അമ്മയും വീട്ടിൽ വിട്ട് പോവുമ്പോൾ അന്ന് ലാലുവിനെ നോക്കാനുള്ള ഡ്യൂട്ടി തനിക്കായിരുന്നുവെന്നും മല്ലിക പറഞ്ഞിരുന്നു. മുതിർന്നപ്പോളും അദ്ദേഹം ആ അടുപ്പം നിലനിർത്തുന്നുണ്ട്. ഏത് പരിപാടിക്കായാലും തന്നെ വിളിക്കാറുണ്ടെന്നും അവർ പറഞ്ഞിരുന്നു. എല്ലാ മലയാളികളെപ്പോലെ ഞാനും ലാലേട്ടന്റെ കട്ടഫാനാണെന്നായിരുന്നു പൃഥ്വി പറഞ്ഞത്.
പ്രേക്ഷകർ കാണാനാഗ്രഹിക്കുന്ന തരത്തിലുള്ള മോഹൻലാലിനെയാണ് ലൂസിഫറിൽ കാണിക്കുന്നതെന്നും അദ്ദേഹം വ്യക്തമാക്കിയിരുന്നു. ഗംഭീര സ്വീകരണമായിരുന്നു ചിത്രത്തിന് ലഭിച്ചത്. സിനിമ വൻവിജയമായി മാറിയതോടെയാണ് ചിത്രത്തിന് രണ്ടാം ഭാഗം ഒരുക്കുന്നുണ്ടെന്ന് പൃഥ്വിരാജ് അറിയിച്ചത്. ഒരു ഭാഗത്തിലൂടെയായി പറഞ്ഞുനിർത്താൻ പറ്റുന്ന കഥയല്ല ലൂസിഫറിലേത്. നിലവിലെ തിരക്കുകൾ പൂർത്തിയാക്കിയതിന് ശേഷമായി എമ്പുരാനിലേക്ക് കടക്കുമെന്നും താരം പറഞ്ഞിരുന്നു. എമ്പുരാൻ തുടങ്ങാനായോയെന്നായിരുന്നു ചിത്രം കണ്ടവരുടെ ചോദ്യം. പൃഥ്വിരാജിന് പിന്നാലെയായാണ് മോഹൻലാലും സംവിധായകന്റെ കുപ്പായം അണിയാൻ തീരുമാനിച്ചത്. ബറോസ് എന്ന ത്രീഡി ചിത്രവുമായാണ് അദ്ദേഹം എത്തുന്നത്.
പൃഥ്വിരാജ് പ്രൊഡക്ഷൻസിന്റെ കാര്യങ്ങളുമായി സജീവമാണ് സുപ്രിയ മേനോൻ. കഥ കേൾക്കുന്നത് മുതൽ സിനിമയുടെ കാര്യങ്ങളിലെല്ലാം സുപ്രിയയും സജീവമാണെന്ന് പൃഥ്വി വ്യക്തമാക്കിയിരുന്നു. നിർമ്മാതാവിന്റെ ആംഗിളിലാണ് പലപ്പോഴും തന്നോട് സംസാരിക്കാറുള്ളതെന്നും താരം പറഞ്ഞിരുന്നു. ബിബിസിയിൽ ജോലി ചെയ്തുവരുന്നതിനിടയിലായിരുന്നു പൃഥ്വിയും സുപ്രിയയും പ്രണയത്തിലായത്. മക്കൾക്ക് അവരവർക്കിഷ്ടപ്പെട്ട ജീവിതപങ്കാളിയെ കണ്ടെത്താനുള്ള സ്വാതന്ത്ര്യം കൊടുത്തിരുന്നു മല്ലിക. അതിനാൽത്തന്നെ പൃഥ്വി സുപ്രിയയെക്കുറിച്ച് പറഞ്ഞതോടെ വിവാഹവും നടത്തുകയായിരുന്നു.
Find out more:
click and follow Indiaherald WhatsApp channel