അറേഞ്ച്ഡ് മാരേജ് ആയിരുന്നു, വേറെ പ്രണയം ഉണ്ടായി, ഒരുപാട് ബുദ്ധിമുട്ടിച്ചു; ആദ്യ വിവാഹത്തെക്കുറിച്ച് ഷൈൻ ടോം ചാക്കോ! കമൽ സംവിധാനം ചെയ്ത 'നമ്മൾ' ഉൾപ്പെടുന്ന സിനിമകളിൽ ഷൈൻ ടോം ഭാഗമായിരുന്നിട്ടുണ്ട്. 2011-ൽ 'ഗദ്ദാമ'യിലൂടെയാണ് ഷൈൻ ടോം ചാക്കോ അഭിനയലോകത്ത് സജീവമായത്. പിന്നീട് ഒട്ടേറെ സിനിമകളിൽ അദ്ദേഹം സഹനടനും വില്ലനും നായകനുമായി തന്റെ താര പ്രതിഭ തെളിയിച്ചു. ഏത് റോളും അനായാസം ചെയ്ത് ഫലിപ്പിക്കാനാകും എന്ന് തെളിയിച്ചു തന്നെയാണ് ഷൈൻ ടോം ചാക്കോ മലയാള സിനിമയിൽ വ്യത്യസ്തനായി മാറിയത്. കഴിഞ്ഞ ദിവസം ഡാൻസ് പാർട്ടി എന്ന തന്റെ ഏറ്റവും പുതിയ സിനിമയുടെ ഓഡിയോ ലോഞ്ചിന് പ്രണയിനിയ്ക്കൊപ്പം എത്തിയ ഷൈനിന്റെ ചിത്രങ്ങൾ വൈറൽ ആയി മാറിയിരുന്നു. ഇതിനു ശേഷം സമൂഹമാധ്യമങ്ങളിൽ അടക്കം ഷൈനിന്റെ ആദ്യ വിവാഹത്തെക്കുറിച്ചും വിവാഹ മോചനത്തെ കുറിച്ചും ചർച്ചകളും നടന്നിരുന്നു. ഇപ്പോഴിതാ പങ്കെടുത്ത ഒരു അഭിമുഖത്തിൽ തന്റെ വിവാഹശേഷം ഉണ്ടായ ഒരു പ്രണയത്തെ കുറിച്ച് ഷൈൻ തുറന്നു പറയുന്ന ഒരു വീഡിയോ ആണ് വൈറൽ ആവുന്നത്.
സിനിമയിൽ അസിസ്റ്റന്റ് ഡയറക്ടർ ആയി പ്രവർത്തിച്ച്‌ കൊണ്ട് ക്യാമറയ്ക്കു മുന്നിലെത്തി സൂപ്പർ താരങ്ങളുടെ നിരയിലേക്ക് വളർന്ന താരമാണ് ഷൈൻ ടോം ചാക്കോ."എന്റെ ആദ്യ വിവാഹം അറേഞ്ച്ഡ് മാരേജ് ആയിരുന്നു. ഒരുപാട് കാരണങ്ങൾ കൊണ്ട് അറേഞ്ച്ഡ് മാരേജ് വർക്ക് ആകാതെ വന്നപ്പോൾ ശരിക്കും എനിക്ക് വേറെ ഒരു പ്രണയം ആ സമയത്ത് ഉണ്ടായിട്ടുണ്ട്. കുറച്ചുകാലമേ ആ പ്രണയം ഉണ്ടായിരുന്നുള്ളു. എന്റെ ഭാര്യ ആയിരുന്നയാളെ ഞാൻ ഒരുപാട് ബുദ്ധിമുട്ടിച്ചു. അവർക്ക് ഒരുപാട് ബുദ്ധിമുട്ടുകൾ ഉണ്ടായി. അവരുടെ ഭാഗത്തുനിന്നുള്ള എല്ലാത്തിലും ഞാൻ സന്തുഷ്ടൻ ആയിരുന്നു. പക്ഷെ എന്റെ ഭാഗത്തു നിന്നുള്ള ഒന്നിലും അവർ സന്തുഷ്ട ആയിരുന്നില്ല. അത് എന്റെ പ്രശ്നമായിരുന്നു എന്നത് എന്റെ ഈ രണ്ടു ബന്ധങ്ങൾ കൊണ്ടും എനിക്ക് മനസിലായി. അതുകൊണ്ടാണ് പിന്നെ വേറെ ഒരാളുടെ ചിന്താ മണ്ഡലങ്ങൾ ഭരിക്കുന്ന പ്രണയബന്ധങ്ങളിൽ ആവാൻ എനിക്ക് താല്പര്യം ഇല്ലാതിരുന്നത്.
തല്പരനല്ല എന്ന് പറയുന്നതിനേക്കാൾ അത് വർക്ക് ആവുന്നില്ല. ഒരു തരത്തിലുമുള്ള ഒരു എനർജിയും അത് ഉണ്ടാക്കുന്നില്ല. ആദ്യം കാഴ്ചകൾ കൊണ്ടും സംസാരം കൊണ്ടും ആണല്ലോ ഇത്തരം ബന്ധങ്ങളിൽ കൂടുതൽ അടുക്കുന്നത്. അതിനപ്പുറത്തേക്ക് അത് കടക്കുന്നില്ല. നമ്മൾക്ക് അതുമായിട്ട് ഒരു ആത്മബന്ധം ഉണ്ടാവുന്നില്ല. എനിക്ക് സ്ത്രീകളുമായി ഇടപഴകി പരിചയം ഒന്നും ഇല്ല. കല്യാണം കഴിച്ച് ഒരു കൊച്ചുണ്ടായി. ഭാര്യേടെ കാര്യം കഷ്ടമായിരുന്നു. സിനിമയിലേക്ക് വരുന്നതിനു മുൻപ് ചെയ്തോണ്ടിരുന്നത് എന്താണ് എന്ന് ചോദിച്ചാൽ പ്ലസ് ടു ആണെന്ന് ഞാൻ പറയും. പ്ലസ് ടു വരെയേ ഞാൻ പഠിച്ചിട്ടുള്ളു. ബികോമിന് ഞാൻ പോയി, അതൊരു സത്യമാണ്. പക്ഷെ ആകെ 17 പേപ്പർ എന്തോ ആണ്, ആ 17 പേപ്പറും എനിക്ക് കിട്ടിയിട്ടില്ല. ഒരു ഒറ്റ പരീക്ഷ പോലും ഡിഗ്രിയ്ക്ക് ഞാൻ പാസായിട്ടില്ല. പരീക്ഷ ഏതാണെന്നോ, ഏതാണ് വിഷയം എന്നോ എത്ര പേപ്പർ ഉണ്ടെന്നോ പോലും എനിക്ക് അറിയില്ല. കുഞ്ഞിന്റെ കാര്യം ഞാൻ എവിടെയും പറയാറില്ല, പറയണ്ട ആവശ്യം ഒന്നും ഇല്ലല്ലോ. സിയൽ എന്നാണ് പേര്, എട്ടുവയസായി കുഞ്ഞിന്.
പേരിന്റെ അർത്ഥമൊക്കെ അവന്റെ അമ്മയോട് ചോദിക്കേണ്ടി വരും. ചോദിയ്ക്കാൻ പക്ഷെ അവർ ഈ ഭൂഖണ്ഡത്തിലെ ഇല്ല. അല്ലെങ്കിലും രണ്ടുപേർ സെപ്പറേറ്റഡ് ആയി കഴിഞ്ഞാൽ കുട്ടികൾ ഏതെങ്കിലും ഒരു സൈഡിൽ നിന്ന് അല്ലെങ്കിൽ ഒരാൾക്കൊപ്പം നിന്ന് വളരുന്നതാണ് നല്ലത്. അല്ലെങ്കിൽ പത്തുദിവസം അവിടെ നിന്നിട്ട് ഇവിടുത്തെ കുറ്റവും ഇവിടെനിന്ന് അവിടുത്തെ കുറ്റവും കേട്ട് വളരേണ്ടി വരും. ഇങ്ങിനെ വളരുന്ന കുട്ടികൾ ആകെ വിഷമിച്ചു പോകില്ലേ." ഡാൻസ് പാർട്ടിയുടെ ഓഡിയോ ലോഞ്ചിലേക്ക് പ്രണയിനിയ്ക്കൊപ്പം ഷൈൻ എത്തിയതോടെയാണ് ഷൈൻ വീണ്ടും പ്രണയത്തിൽ ആണെന്ന് വാർത്തകൾ വന്നത്. മഞ്ഞ നിറത്തിലുള്ള വസ്ത്രങ്ങൾ ധരിച്ച് ട്വിന്നിംഗ് ഡ്രെസ് കോമ്പൊയിലായിലാണ് ഇരുവരും എത്തിയത്. പരിപാടി നടക്കുന്ന സ്ഥലത്തേക്ക് എത്തുമ്പോൾത്തന്നെ ഇത് ആരാണെന്ന് ചോദിച്ച് മാധ്യമ പ്രവർത്തകർ എത്തിയിരുന്നു. ഷൈൻ ചേട്ടാ എന്നാ കല്യാണം?
ആളെ ഒന്ന് പരിചയപ്പെടുത്താമോ? തുടങ്ങിയ ചോദ്യങ്ങൾക്ക് ആളോട് തന്നെ ചോദിക്ക് എന്നായിരുന്നു ഷൈനിൻറെ ആദ്യത്തെ മറുപടി. പേരെന്താ എന്ന ചോദ്യത്തിന് ഷൈനിന്റെ സ്ഥിരം ശൈലിയിൽ പേരയ്ക്ക എന്നും ഷൈൻ ചിരിയോടെ മറുപടി പറഞ്ഞു.പിന്നീട് ‘തനു’ എന്നാണ് കുട്ടിയുടെ പേരെന്നു മാത്രം ഷൈൻ പറയുകയുണ്ടായി. സദസ്സിൽ ഒരുമിച്ച് ഇരുന്നിരുന്ന ഇരുവരെയും ഡാൻസ് പാർട്ടിയുടെ സംവിധായകൻ ആയ സംവിധായകൻ സോഹൻ സീനുലാൽ വേദിയിലേക്ക് വൈഫ് ആവാൻ പോവുന്ന ഒരാൾ കൂടിയുണ്ട് ഷൈനിനൊപ്പം രണ്ട് പേർക്കും കൂടി വേദിയിലേക്ക് വരാം എന്നായിരുന്നു. തുടർന്നാണ് തനുവിനൊപ്പം ഷൈൻ വേദിയിലേക്ക് എത്തിയത്. കഴിഞ്ഞ ദിവസം ദിലീപ് നായകനായ ബാന്ദ്ര മൂവി കാണാനും തീയേറ്ററിലേക്ക് തനുവിന്റെ കൈ പിടി ച്ച് ഷൈൻ എത്തുന്ന വീഡിയോ സോഷ്യൽ മീഡിയയിൽ വൈറൽ ആണ്.
Find out more:
click and follow Indiaherald WhatsApp channel