అయితే అక్కినేని నాగచైతన్య సైతం ఇప్పటివరకు కెరియర్ లో అడపాదడప విజయాలు మాత్రమే సాధించాడు. కమర్షియల్ గా నాగచైతన్య నటించిన సినిమాలు హిట్ అయిన దాఖలాలు చాలా తక్కువ. అయితే గత కొంతకాలం నుంచి వరుస ఫ్లాపులతో సతమతం అవుతూనే ఉన్నాడు ఈ అక్కినేని హీరో. మొన్నటివరకు థాంక్యూ కస్టడీ లాంటి సినిమాలతో ఫ్లాప్స్ చవి చూసాడు. అయితే ఇటీవల రూట్ మార్చి ఏకంగా దూత అనే వెబ్ సిరీస్తో తెలుగు ప్రేక్షకులను పలకరించాడు. అయితే ఈ వెబ్ సిరీస్ కి మంచి స్పందన వస్తుంది అని చెప్పాలి.
అమెజాన్ ప్రైమ్ లో విడుదలైన ఈ వెబ్ సిరీస్ నాగచైతన్యకు మొదటి ఓటీటి సిరీస్ కావడం గమనార్హం. కాగా ప్రస్తుతం ఈ వెబ్ సిరీస్ ఓటిటి ప్రమోషన్స్ లో బిజీబిజీగా ఉన్నాడు నాగచైతన్య. ఈ క్రమంలోనే తన సినిమాలలో ఒక ఫ్లాప్ సినిమా గురించి ఆసక్తికర వ్యాఖ్యలు చేశాడు. ఆ సినిమా ఫ్లాప్ అవుతుందని తెలిసి కూడా నటించాను అంటూ షాకింగ్ కామెంట్స్ చేశాడు. ఆ సినిమా ఏదో కాదు హిందీలో హీరో అమీర్ ఖాన్ తో కలిసి నటించిన లాల్ సింగ్ చద్దా. ఈ సినిమా చేసేటప్పుడు సినిమా ప్లాప్ అవుతుందని ముందే తెలిసినప్పటికీ.. ఈ సినిమాలో నటించాను. అయితే ఎందుకు నటించారో కారణం చెబుతూ.. నాకు అమీర్ ఖాన్ తో కలిసి నటించే అవకాశం వచ్చింది. కాబట్టి ఆ సినిమా ఫలితం గురించి ఆలోచించకుండా సినిమా చేశాను. ఫలితం ముందే ఊహించాను కాబట్టి ఫ్లాప్ కావడం పెద్దగా బాధించలేదు. కానీ ఇప్పటికే అలాంటి సినిమాలో నటించినందుకు గర్వపడుతున్న అంటూ నాగచైతన్య చెప్పుకొచ్చాడు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి