వైజాగ్‌లో ఏర్పాటు చేసిన గ్రాండ్ ఈవెంట్‌లో ‘జాజికాయ… జాజికాయ…’ అంటూ సాగే ఈ ఎనర్జెటిక్ సాంగ్‌ను ప్రేక్షకుల ముందుకు తీసుకువచ్చారు మూవీ మేకర్స్. కాసర్ల శ్యామ్ అందించిన లిరిక్స్ ఆకట్టుకోగా, బ్రిజేశ్ శాండిల్య – శ్రేయా ఘోషల్ జంటగా పాడిన ఈ పాటకు థమన్ భావోద్వేగాలు, బీట్‌ల మేళవింపుతో అద్భుతమైన సౌండ్ ఇచ్చాడు. ఈ సాంగ్‌లో బాలయ్య వేసిన నాటి స్టెప్స్, బోయపాటి స్టైల్ మాస్ బీట్‌లు అభిమానులను థియేటర్లలో ఊగించనున్నాయని ట్రేడ్ వర్గాలు భావిస్తున్నాయి. ఈ సాంగ్ తో సినిమా పై మరింత ఎక్స్ పెక్టేషన్స్ పెంచేసుకున్నారు అభిమానులు.
ఇటీవలే మేకర్స్ మరో ఆసక్తికర అంశాన్ని బయటపెట్టారు. ఈ సినిమాను 2Dతో పాటు 3D వెర్షన్‌లో కూడా విడుదల చేయనున్నట్లుగా ప్రకటించారు. ప్రేక్షకులకు సరికొత్త, గ్రాండ్ విజువల్ ఎక్స్‌పీరియన్స్ అందించడానికే ఈ నిర్ణయం తీసుకున్నట్లు తెలిపారు. ఇప్పటికే మొత్తం షూటింగ్ పూర్తయిన ఈ చిత్రం ప్రస్తుతం పోస్ట్-ప్రొడక్షన్ దశలో ఉంది. భారీ అంచనాల నడుమ రూపొందుతున్న ఈ మాస్ ఎంటర్‌టైనర్ డిసెంబర్ 5న థియేటర్లలో ఘనంగా విడుదల కానుంది. బాలయ్య – బోయపాటి కాంబో మళ్లీ బాక్సాఫీస్ వద్ద సునామీ సృష్టించేందుకు సిద్ధంగా ఉందని సినీ వర్గాలు అంటున్నాయి.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి