ప్రతిపక్షాన్ని, అసమ్మతి స్వరాన్ని ప్రమాదకరమైనదిగా చూడటం అంటే ప్రజాస్వామ్యం యొక్క ప్రాథమిక భావనలను తప్పుగా అర్థం చేసుకోవడం... ప్రతిపక్షాలను అణచివేయడం అంటే ప్రజాస్వామ్య పునాదులపై దాడి చేయడం అని వ్యాఖ్యలు చేసారు. ముఖ్యమంత్రి నేతృత్వంలోని రాష్ట్ర ప్రభుత్వం అసమ్మతి గళాలకు వ్యతిరేకంగా ఇటువంటి దుశ్చర్యలకు పాల్పడుతుంది అని ఆయన లేఖలో ఆరోపించారు. వైసీపీ ప్రభుత్వం వలన తన ప్రాణాలకు తీవ్రమైన ముప్పు ఉందని కేంద్ర దళాల నుండి భద్రత కోరుతూ రఘురామకృష్ణం రాజు 2020 లో WP No. (Crl.) నంబర్ 1098 ఢిల్లీ హైకోర్టుకు ముందు రిట్ పిటిషన్ దాఖలు చేశారు అని అన్నారు.
ఢిల్లీ హైకోర్టు ఇచ్చిన ఉత్తర్వుల ఆధారంగా కృష్ణరాజు ప్రాణాలకు ముప్పు ఉందని భారత ప్రభుత్వం సమీక్షించి అతనికి సెంట్రల్ రిజర్వ్ పోలీసులతో 'వై' కేటగిరీ భద్రత కల్పించింది అని ఆయన లేఖలో వివరించారు. కానీ ప్రస్తుతం రఘురామకృష్ణం రాజు జీవితం చాలా ప్రమాదంలో ఉంది అని పేర్కొన్నారు. ఆంధ్రప్రదేశ్ రాష్ట్రంలో ప్రజాస్వామ్యం తీవ్రంగా ప్రమాదంలో ఉంది అని వివరించారు. యువజన శ్రామిక రైతు కాంగ్రెస్ పార్టీ (వైయస్ఆర్సిపి) అగ్ర నాయకత్వం చట్టవిరుద్ధమైన చర్యలకు ఆజ్యం పోస్తోంది అని వ్యాఖ్యలు చేసారు.
ప్రతిపక్ష పార్టీ నాయకులు, కుటుంబ సభ్యులు మరియు రాష్ట్రంలో అసమ్మతి స్వరాలపై క్రిమినల్ కేసులు నమోదు చేస్తున్నారు అని అరెస్టు తర్వార రాజును ఎపి సిఐడి పోలీస్ స్టేషన్ లో థర్డ్ డిగ్రీ పద్ధతులను ఉపయోగించి హింసించారు అని లేఖలో వ్యాఖ్యలు చేసారు. 2021 మే 14 న రాత్రి 11 నుండి 11.15 గంటలకు ముసుగు ధరించిన ఐదుగురు వ్యక్తులు సిఐడి కార్యాలయంలోని రాజు గదిలోకి ప్రవేశించారు అని వలసరాజ్యాల పాలనను గుర్తుచేసే ముసుగు వేసుకున్న ఐదుగురు వ్యక్తులు రాజు పాదాలను లక్ష్యంగా చేసుకుని లాఠీలతో కొట్టారు అని వివరించారు. రాజు మళ్ళీ తన కాళ్ళ మీద నిలబడలేనంతగా కస్టోడియల్ హింసకు పాల్పడ్డారని చంద్రబాబు పేర్కొన్నారు.
