జూన్ అంటే స్కూల్‌లు, కాలేజీలు తిరిగి మొదలు అయ్యే సమయం. దాంతో పిల్లల ఫీజులు, యూనిఫామ్స్, పుస్తకాలు, బ్యాగులు, షూస్ మొదలైన అవసరాలపై భారీ ఖర్చులు వచ్చిపడతాయి. ఒక్కోసారి ఈ ఖర్చులు నెలవారీ జీతాన్ని మించిన స్థాయిలో ఉంటాయి. కొత్త విద్యాసంవత్సరం ప్రారంభం అంటే, ప్రతి తల్లిదండ్రి మనసులో ఎలాంటి ఒత్తిడో చెప్పక్కర్లేదు.
ఇక రైతుల విషయానికి వస్తే, జూన్ అంటే వానాకాలం ప్రారంభం. దీనికి తగ్గట్టు పంటల కోసం విత్తనాలు, ఎరువులు, ట్రాక్టర్ లాంటి వ్యవసాయ పనుల ఖర్చులు అన్నీ ఒకేసారి పెరిగిపోతాయి. అప్పులు చేసి పంటపై పెట్టుబడులు పెట్టాల్సిన అవసరం రైతులపై పడుతుంది. ఈ నేపథ్యంలో ప్రతి మధ్యతరగతి కుటుంబం తలనొప్పులు పడాల్సి వస్తోంది. ఒకవైపు నెలవారీ ఖర్చులు, మరోవైపు స్కూల్ సీజన్ ఖర్చులు, ఇంకొకవైపు పంటల పెట్టుబడులు ఇవన్నీ కలిసిపోతే జూన్ నెల ఒక్క ఖర్చుల పండుగలా మారిపోతుంది.
మీ కుటుంబంలో కూడా ఇలా జూన్ నెల వచ్చినప్పుడు ఖర్చుల భారం ఎక్కువగా అనిపిస్తుందా? అయితే మీరు ఒంటరే కాదు. ఇదే పరిస్థితి చాలా మందికి ఉంటుంది. కానీ, జీవితమే అలాంటిది. ఒక్కో నెల ఒక్కో ఛాలెంజ్, జూన్ మాత్రం ఖచ్చితంగా ఓ ఫైనాన్షియల్ టెస్టు అందంలో ఎటువంటి ఆలోచన అవసరం లేదు. కాబట్టి ఇలాంటి ఇబ్బందులు ఎదురు రాకముందే ముందు రెండు నెలలు కాస్త ఎక్కువగా పొదుపు చేసుకుంటే పిల్లలకు స్కూల్ తెరిచే టైంలో ఎలాంటి ఇబ్బందులు ఎదురు కావు. అందుకు తగ్గట్టుగా డబ్బులు పరంగా ముందుగానే సన్నాహం జరిగితే ఎటువంటి ఇబ్బందులు పడాల్సిన అవసరం ఉండదు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి