పూజలో దోసకాయను నరికి సమర్పించడం ద్వారా, గణపతి భూమి మీద పుట్టినవాడిగా, సంపూర్ణంగా అవతరించిన వాడిగా భావిస్తారు. ఆ తర్వాత దానిని ప్రసాదంగా స్వీకరించడం సంప్రదాయంగా మారింది. కానీ ఈ ఆచారం వెనుక కేవలం పురాణ విశ్వాసమే కాదు, ఆరోగ్య పరమైన లోతైన జ్ఞానం కూడా ఉంది. ఆయుర్వేదం ప్రకారం, వినాయక చవితి కాలం వాతావరణ మార్పుల సమయం. వేసవి ముగిసి వర్షాకాలం ప్రారంభమయ్యే ఈ సమయంలో శరీరానికి చలువ, తేలికైన ఆహారం అవసరం అవుతుంది. దోసకాయలో 95 శాతం వరకు నీరు ఉండటం వలన శరీర ఉష్ణోగ్రతను నియంత్రిస్తుంది. డీహైడ్రేషన్‌ను నివారించి శరీరానికి చలువ ఇస్తుంది. అదేవిధంగా, దోసకాయలో పీచు పదార్థాలు సమృద్ధిగా ఉండటం వల్ల జీర్ణవ్యవస్థను ఆరోగ్యంగా ఉంచుతుంది.
పండుగ రోజున ఎక్కువ ఆహారం తీసుకున్నా జీర్ణ సమస్యలు రాకుండా కాపాడుతుంది. ఇందులో కేలరీలు చాలా తక్కువగా ఉండటంతో బరువు తగ్గాలనుకునే వారికి కూడా ఇది మంచిది. విటమిన్ C, నీరు అధికంగా ఉండటం వలన చర్మాన్ని తాజాగా ఉంచుతుంది. శరీరంలోని విషపదార్థాలను బయటకు పంపడంలో దోసకాయ కీలక పాత్ర పోషిస్తుంది. మన పూర్వీకులు ఆహారాన్ని ఔషధంగా వాడాలనే దూరదృష్టితోనే వినాయకుడికి దోసకాయను నైవేద్యంగా పెట్టే సంప్రదాయాన్ని ఆచరించారు. ఇది ఒక సాధారణ ఆచారంలా కనిపించినా, దాని వెనుక ఉన్న శాస్త్రీయ కారణాలు చూసినప్పుడు వారి జ్ఞానానికి నమస్కరించక మానలేం. వినాయక చవితి రోజు దోసకాయ నైవేద్యం పెట్టడం కేవలం ఒక భక్తి కార్యక్రమం కాకుండా, మన ఆరోగ్యానికి పండుగ కానుక అని చెప్పుకోవచ్చు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి