మీ యొక్క ఆత్మస్థైర్యం మరియు మనోబలం ఎలా ఉందో, ఎంత ఉందో చెక్ చేయడానికి ఆ భగవంతుడు కొన్ని పరీక్షలు పెడతాడు. వాటిలో నెగ్గుకు వస్తేనే జీవితంలో ఏదైనా సాధించగలరు. కొందరు అయితే కష్టాలు కలిగినప్పుడు బాగా కృంగిపోతారు. మరి కొందరు కష్టాలు వచ్చినప్పుడు ఎవరో వచ్చి ఏదో చేస్తారని ఎదురు చూస్తుంటారు. కానీ వాస్తవంగా చూస్తే నీ కష్టాలను ఎవ్వరూ తీర్చలేరు. మరియు నువ్వు కష్టాల కడలిలో పడిపోతే లేపడానికి ఎవ్వరూ ముందుకు రారు సరికదా నీతో మానసికంగా ఆడుకుంటారు. హేళన చేస్తారు.
అయితే అలంటి వారందరికీ ఒక గుణపాఠం చెప్పాలంటే, మీరు ఎంత కష్టాల్లో ఉంటారో... అంతే ఓపికగా అన్నింటినీ ఓర్చుకుని... నెమ్మది నెమ్మదిగా మళ్ళీ ఒక్కో ఇటుక పేర్చుకుంటూ బలపడాలి. అప్పుడే మీ యొక్క బలం ఏమిటో మీ శత్రువులకు మరియు మిమ్మల్ని చూసి నవ్వినా వారికి ఒక జవాబు చెప్పినవారు అవుతారు. అది వదిలేసి పడిన దగ్గరే ఉంటూ సాయం కోసం ఎదురుచూడడం వలన ఉపయోగం ఉండదు.
