కావలిసిన పదార్ధాలు :
200 గ్రాములు చికెన్ లివర్
2 మీడియం ఉల్లిపాయలు సన్నగా తరుగుకోవాలి
4 పచ్చి మిరపకాయలు
¼ tsp పసుపు
3 tsp కారం
3 tsp ధనియాల పొడి
1 tsp గరం మసాలా పొడి
2 ½ tsp అల్లం వెల్లుల్లి పేస్ట్
1 tsp ఉప్పు తగినంత
3 రెమ్మలు కరివేపాకు
6 tsp నూనె
¼ కప్పు కొత్తి మీర
తయారీ విధానం :
ముందుగా లివర్ ని ఒక గిన్నెలోకి తీసుకొని శుభ్రంగా కడిగి అందులో ఉప్పు, కారం, ధనియాల పొడి, అల్లం వెల్లుల్లి ముద్ద వేసి మొత్తం కలిపి ఒక 15 నిమిషాల పాటు నాన బెట్టాలి.ఇప్పుడు బాణలిలో నూనె వేడి చేసి ఉల్లిపాయ తరుగు, పచ్చిమిర్చి తరుగు, ఉప్పు వేసి మగ్గే వరకు వేయించాలి. అలాగే పసుపు, కారం, కరివేపాకు కూడా వేసి ఒక నిమిషం పాటు ఉడికించాలి.
ఇప్పుడు నాన బెట్టిన లివర్ వేసి బాగా కలిపి మూత పెట్టి 10 నుండి 12 నిమిషాల పాటు ఉడికించాలి.అడుగు అంట కుండా మధ్య మధ్యలో కలుపుతూ ఉండాలి.కొంచెం మగ్గాక మూత తెరచి అల్లం వెల్లుల్లి ముద్ద, గరం మసాలా వేసి 5 నుండి 7 నిమిషాల పాటు వేయించాలి. పైకి నూనె కనిపించే అంత వరకు వేపాలి. ఇప్పుడు కొత్తి మీర తరుగు వేసి ఒకసారి కలిపి దించేసు కోవాలి. పప్పుచారు పెట్టుకుని ఈ లివర్ ఫ్రై నుంచుకుని తింటే చాలా బాగుంటుంది.
